Golfstroom

Die Golfstroom is 'n snelvloeiende seestroom in die Atlantiese Oseaan. Dit maak deel uit van die seestrominge dwarsoor die wêreld. Op pad na Europa word die Golfstroom uiteindelik die Noord-Atlantiese seestroom, wat op sy beurt weer deel van die Westelike randstrome uitmaak wat die klimaat van Noord-Europa beïnvloed.

Termografiese beeld van die wateroppervlaktemperatuur in die Westelike Noord-Atlantiese Oseaan. Die Noord-Amerikaanse vasteland word swart aangedui, met koue seewater (donkerblou) en die warm Golfstroom (rooi). Bron: NASA.

Die Golfstroom lewer sowat 30 miljoen kubieke meter water per sekonde (30 Sv) by die Floridastroom, vloei teen 'n stroomsnelheid van 1,8 meter per sekonde, tot hoogstens 150 miljoen kubieke meter water (150 Sv) op die lengtegraad 55° Wes.[1] Dit is altesaam meer as 'n honderd maal soveel water as wat al die riviere dwarsoor die wêreld in die see stort. Die vloeisterkte se vermoë is 1,5 petawatt; wat selfs die opwekking van 'n miljoen van die grootste kernkragstasies sal oortref.[2]

Die benaming Golfstroom is deur Benjamin Franklin bedink ('Gulf Stream') en het betrekking op die Golf van Mexiko. Dit is vroeër ook die Floridaseestroom genoem; op die ou kaarte uit die 16de en 17de eeu is die Straat van Florida die Canal de Bahama genoem.

Verwysings
  1. Joanna Gyory, Arthur J. Mariano, Edward H. Ryan. "Surface Ocean Currents: The Gulf Stream" (in Engels). Cooperative Institute for Marine and Atmospheric Studies der University of Miami. Geargiveer vanaf die oorspronklike op 28 April 2020. Besoek op 23 Julie 2010.{{cite web}}: AS1-onderhoud: meer as een naam (link)
  2. "Lecture 26: Oceans" (PDF). Boston University. 6 Januarie 2009. Geargiveer vanaf die oorspronklike (PDF) op 27 Maart 2009. Besoek op 31 Desember 2010.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.