Goh Chok Tong

Goh Chok Tong (gebore op 20 Mei 1941; Chinees: 吴作栋; Pe̍h-ōe-jī: Gô͘ Chok-tòng) is 'n afgetrede Singapoerse politikus.

Goh Chok Tong
Goh Chok Tong
Goh in 2008
2de Eerste Minister van Singapoer
Ampstermyn
28 November 1990 – 12 Augustus 2004
Vise Ong Teng Cheong
Lee Hsien Loong
Tony Tan
President Wee Kim Wee
Ong Teng Cheong
Sellapan Ramanathan
Voorafgegaan deur Lee Kuan Yew
Opgevolg deur Lee Hsien Loong
Sekretaris-generaal van die People's Action Party
Ampstermyn
15 November 1992 – 6 November 2004
Voorafgegaan deur Lee Kuan Yew
Opgevolg deur Lee Hsien Loong
Lid van die Singapoerse parlement vir Marine Parade
Ampstermyn
23 Desember 1976 – 23 Junie 2020
Voorafgegaan deur Kiesafdeling geskep
Opgevolg deur Tan See Leng
Voorsitter van die Monetêre Owerheid van Singapoer
Ampstermyn
20 Augustus 2004 – 30 April 2011
Voorafgegaan deur Lee Hsien Loong
Opgevolg deur Tharman Shanmugaratnam
Persoonlike besonderhede
Politieke party People's Action Party
Eggenoot/-note Universiteit van Singapoer
Williams College
Kind(ers) 2
Handtekening

As lid van die People's Action Party (PAP) het hy Lee Kuan Yew opgevolg as die tweede premier van Singapoer op 28 November 1990 en dien tot 12 Augustus 2004, toe hy uitgetree het en opgevolg is deur Lee Hsien Loong. Hy het daarna tot Mei 2011 as Senior Minister en as Voorsitter van die Monetêre Owerheid van Singapoer (MAS) gedien. Hy was tot 2020 'n parlementslid (MP) vir die Marine Parade Group Verteenwoordiging Kiesafdeling toe hy uit die politiek uitgetree het. Hy beklee sedert 2011 die eretitel "Emeritus Senior Minister".

In November 2018 stel hy sy outobiografie, Tall Order: The Goh Chok Tong Story, vry, wat die eerste bundel van 'n tweedelige biografie sou wees.

Vroeë lewe en opvoeding

Goh is op 20 Mei 1941 tot Goh Kah Choon and Quah Kwee Hwa in Singapoer gebore. Sy ouers is van die Fujian-provinsie in die Volksrepubliek China afkomstig.[1] Goh het tussen 1955 en 1960 by die Raffles Institution skoolgegaan. Hy was 'n mededingende swemmer in sy jonger dae en het daarvoor die bynaam "Bold" (dapper) gekry.

Goh het 'n BA-graad in ekonomie aan die Nasionale Universiteit van Singapoer behaal en daarna 'n 'n meestersgraad in ontwikkelingsekonomie in 1967 aan Williams College verwerf. Na sy gradeplegtigheid het hy na Singapoer teruggekeer en vir die regering begin werk.[2] Goh se droom om 'n doktorsgraad te behaal, is ontwrig omdat die regering nie sy beursverband na die universiteit wou oordra nie.

In 2015 het sy alma mater, die Nasionale Universiteit van Singapoer, aan hom 'n eredoktorsgraad in die regte toegeken vir sy bydraes tot die land.[3]

Loopbaan

In 1969 is Goh as die beplannings- en projektebestuurder van die nasionale redery Neptune Orient Lines (NOL) aangestel. Sy loopbaan het vinnig gevorder en teen 1973 was hy die maatskappy se Besturende Direkteur. Hy het noue bande met die maatskappy se stigter, Muhammad Jalaluddin Sayeed behou.[4]

Politieke loopbaan

In 1976 is Goh verkies as die parlementslid vir die Marine Parade-kiesafdeling. Hy is daarna as senior minister van staat aangewys. In 1981 is hy tot Minister van Handel en Nywerheid bevorder. Hy sou later as Minister van Gesondheid en Minister van Verdediging dien.[5] Goh het in 1985 adjunk-eerste minister van Singapoer geword en het die verantwoordelikheid van die regering begin aanvaar in 'n noukeurig bestuurde leierskapsoorgang. Hy het op 28 November 1990 vir Lee Kuan Yew as eerste minister van Singapoer opgevolg.[6] Twee jaar later sou hy vir Lee as sekretaris-generaal van die PAP opvolg.[7]

Op 12 Augustus 2004 het Lee Kuan Yew se seun, Lee Hsien Loong vir Goh as eerste minister van Singapoer opgevolg.[8] Hsien Loong het vir Goh tot die pos van Senior Minister in sy kabinet aangewys. Op 20 Augustus 2004 het Goh voorsitter van die Monetêre Owerheid van Singapoer geword.[9]

Na die 2011-verkiesing is Goh nie weer tot die kabinet aangewys nie.[10] Op 18 Mei 2011 het Lee Hsien Loong aangekondig dat Goh as 'n senior adviseur van die Monetêre Owerheid van Singapoer aangestel sou word en die eretitel "Emeritus Senior Minister" sou kry.[11]

Op 25 Junie 2020 het Goh sy uittrede uit die politiek aangekondig.[12]

Verwysings
  1. 闽籍华侨华人社团 Geargiveer 22 Desember 2015 op Wayback Machine
  2. Mauzy, Diane K. and R.S. Milne (2002). Singapore Politics Under the People's Action Party. Routledge ISBN 0-415-24653-9
  3. hermesauto (6 Julie 2015). "NUS confers honorary degrees on ESM Goh, Prof Saw and Sir Richard Sykes". The Straits Times. Geargiveer vanaf die oorspronklike op 6 Julie 2018. Besoek op 2 Januarie 2019.
  4. "Sayeed of Singapore, By Ardeshir Cowasjee, Dawn newspaper, 25 September 2005". Geargiveer vanaf die oorspronklike op 5 Maart 2011. Besoek op 7 Februarie 2011.
  5. Goh Chok Tong Geargiveer 22 Desember 2005 op Wayback Machine, Cabinet of Singapore
  6. Goh Chok Tong becomes prime minister of Singapore.
  7. Tall Order. The Goh Chok Tong Story (in Engels). Vol. 1. WORLD SCIENTIFIC. 17 Julie 2018. doi:10.1142/11149. ISBN 978-981-327-604-8. S2CID 188945099.
  8. "Singapore's Prime Minister Goh resigns". The Sydney Morning Herald (in Engels). 10 Augustus 2004. Besoek op 4 Augustus 2023.
  9. "Electing the Next United Nations Secretary-General is an Opportunity to Press for UN Reform". Geargiveer vanaf die oorspronklike op 26 Oktober 2006. Besoek op 24 Oktober 2006.
  10. "SM Goh, MM Lee to leave Cabinet". Channel NewsAsia. Singapore. 14 Mei 2011. Geargiveer vanaf die oorspronklike op 15 Mei 2011. Besoek op 14 Mei 2011.
  11. "PM Lee announces sweeping changes to Cabinet". Channel NewsAsia. Singapore. 18 Mei 2011. Geargiveer vanaf die oorspronklike op 28 Mei 2011. Besoek op 28 Mei 2011.
  12. hermesauto (25 Junie 2020). "Singapore GE2020: Emeritus Senior Minister Goh Chok Tong retires from politics after 44 years as MP". The Straits Times (in Engels). Geargiveer vanaf die oorspronklike op 26 Junie 2020. Besoek op 25 Junie 2020.

Eksterne skakels
Hierdie artikel is in sy geheel of gedeeltelik vanuit die Engelse Wikipedia vertaal.
   
Klik vir info oor hierdie sjabloon.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.