Gochas
Gochas is ’n klein dorpie in die Hardapstreek van Namibië sowat 64 km suidwes van Stampriet aan die oewers van die Auobrivier op ’n hoogte van 1 150 m bo seespieël.
Gochas | |
|---|---|
 'n Lugbeeld van Gochas in 2017 | |
  Gochas | |
| Koördinate: 24°47′S 18°49′O | |
| Land |  Namibië |
| Streek | Hardap |
| Distrik | Mariental-Land |
| Tydsone | UTC+2 (SAST) |
Die jaarlikse reënval is sowat 193 mm. In 1960 het die bevolking bestaan uit 205 wit mense, 108 bruin mense en 224 swart mense. Gochas is die middelpunt van ’n landbougebied bestaande uit Kalahari-duineplase waarop met beeste en skape geboer word.
Die plek word met oorloë en opstande vereenselwig en was ’n militêre pos en kameelstasie tydens die Duitse bewind. Hier het die Duitsers in Januarie 1905 ’n oorwinning behaal oor die Nama-hoofman Simon Koper. ’n Gedenkteken is opgerig ter nagedagtenis aan kapt. Friedrich von Erckert, wat gesneuwel het in die Slag van Searsub in Maart 1908. Gochas se dorpsraad is in 1958 ingestel.
Jare lank moes inwoners self reëlings vir krag en water tref.
Sien ook
Bron
- Potgieter, D.J. (ed.) 1972. Standard Encyclopaedia of Southern Africa. Cape Town: Nasionale Opvoedkundige Uitgewery (Nasou).
