Gloria Bosman

Gloria Bosman (1973 - 14 Maart 2023) was 'n Suid-Afrikaanse sangeres wie se loopbaan in kerkkore in Soweto begin het. Felicia Marion van die groep Joy het haar raakgesien en haar in 1993 vir 'n produksie in die Markteater gebruik (om vir 'n ander sangeres in te staan). Ná hierdie produksie het sy ’n operabeurs van die Tshwane-Universiteit vir Tegnologie gekry.

Gloria Bosman
Gebore1973
Mofolo
Sterf14 Maart 2023
GenresJazz, gospel
Beroep(e)Sangeres
InstrumenteStem

Haar debuutalbum, Tranqaility (1999), het die Sama-prys vir beste nuweling losgeslaan. Bosman was die Standard Bank Jong Kunstenaar vir Jazz in die jaar 2000. Vir Nature’s Dance (2004) kry sy ses Sama-benoemings en word sy as die beste vroueliedjieskrywer aangewys. Daarna volg twee Kora- en nog elf Sama-benoemings. Sy het reeds vyf albums die lig laat sien, die laaste, Emzini, is in 2006 vrygestel.[1] Sy het verskeie kere by die Nasionale Kunstefees opgetree, insluitend in die 2020 Virtuele Nasionale Kunstefees.

Diskografie
  • Tranqaility, 1999
  • The Many Faces of Gloria Bosman, 2002
  • Stop & Think, 2003
  • Nature’s Dance, 2004
  • Emzini, 2006

Verwysings
  1. HAT Taal-en-feitegids, Pearson, Desember 2013, ISBN 978-1-77578-243-8
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.