Gliese 667 Cc

Gliese 667 Cc is ’n bewoonbare eksoplaneet na aanleiding van sy afstand van sy ster, wat lei tot temperature waarby vloeibare water op die oppervlak kan bestaan. Die ster, Gliese 667 C, is lid van Gliese 667, ’n driedubbele sterstelsel. Die ster is sowat 22,7 ligjare van die Son af in die sterrebeeld Skerpioen.

Gliese 667 Cc
Eksoplaneet
’n Kunstenaarsvoorstelling van die uitsig van eksoplaneet Gliese 667 Cc af.
Soort planeet	Superaarde
Moederster	Gliese 667 C
Ster se eienskappe
Sterrebeeld	Skerpioen
Regte klimming	17h 18m 57.16483s
Deklinasie	-34° 59′ 23.1416″
Skynmagnitude (m)	11,03
Afstand (ligjaar)	22,7
Metaalinhoud	−0,59 ± 0,10
Ouderdom	2-10 miljard jaar
Planeet
Massa	4,39 M⊕
Radius	1,76 R⊕
Temperatuur	304 K
Wentelperiode	28,155 ± 0,017 dae
Ontdekking
Datum	September 2011
Metode	Radiale snelheid
Status	Gepubliseer
Portaal    Sterrekunde

Die planeet het ’n massa van sowat 4,39 aardmassas[1] en word geklassifiseer as ’n superaarde (’n planeet van tussen een en tien aardmassas).

Die ster Gliese 667 C het minstens sewe planete en drie van hulle, almal aardplanete, ook Gliese 667 Cc, is in die bewoonbare sone. Laasgenoemde lê aan die binneste rand van die bewoonbare sone en wentel elke 28,155 dae om die ster. Dit sal sowat 90% van die lig kry wat die Aarde van die Son kry, hoewel ’n groot deel daarvan in die onsigbare infrarooideel van die spektrum val.