Gideon Smith

Gideon Francois Smith (1959 - ) is 'n Suid-Afrikaanse botanikus wat in Uitenhage gebore is. Hy is die outeur van meer as 40 boeke oor onder andere aalwyne, sukkulente, tuinbou, taksonomie en indringerplante.

Smith was in Laerskool Handhaaf en Hoërskool Brandwag in Uitenhage en na skool was hy drie jaar in die weermag. Hy voltooi dan sy BSc graad, met hoofvakke Botanie en Chemie as hoofvakke, aan die Universiteit van Port Elizabeth. Hy voltooi sy BSc (Hons) graad aan die Universiteit van Pretoria en word 'n lektor aan die Universiteit van Potchefstroom. Hy voltooi sy PHD aan die Universiteit van Pretoria waar hy ook professor in Plantwetenskap raak asook navorsingsgenoot aan die Universiteit van Coimbra in Portugal.

Hy is getroud met El-marié en hulle het twee kinders, Janine en Tanya.

Die outeursafkorting Gideon.F.Sm. word gebruik om Gideon Smith as die skrywer aan te dui wanneer 'n botaniese naam aangehaal word.

Sien ook

Lys van botaniste volgens outeursafkorting

Bronne

SABONETNEWS
Gids tot die Aalwyne van Suid-Afrika, Ben-Erik van Wyk & Gideon F. Smith, Briza Publikasies, 2014, ISBN 978-1-920217-39-6

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.