Gianfranco Ferré

Gianfranco Ferré [dʒaɱˈfraŋko ferˈre] (* 15 Augustus 1944 in Legnano, Lombardye; † 17 Junie 2007 in Milaan) was 'n Italiaanse modeontwerper en entrepreneur. Naas Gianni Versace en Giorgio Armani is Ferré as een van die drie voorste ontwerpers in die Italiaanse modebedryf beskou wat gedurende die 1970's en 1980's die reputasie van Milaan as Italiaanse modehoofstad en mededinger van Parys gevestig het. Dikwels is na Ferré verwys as die "argitek van mode", 'n sinspeling op sy akademiese opleiding as argitek en sy houding teenoor die modenontwerpkuns. In Junie 2007 is Ferré onverwags aan breinbloeding oorlede.[1]

Die embleme van Gianfranco Ferré se drie modereekse

Die internasionale mode-onderneming, wat deur Ferré in 1978 gestig is en sy volle naam gedra het, het as aandelemaatskappy (Gianfranco Ferré SpA) tot vroeg in 2014 bestaan. Die destydse eienaar van die mode-etiket het toe besluit om die onderneming se bedrywighede te staak.

Die stigting Fondazione Gianfranco Ferré, wat in Februarie 2008 deur Ferré se broer Alberto Ferré ter herdenking van Gianfranco se lewenswerk gevestig is, bestaan steeds en het sy setel in Milaan se mode- en ontwerpbuurt Tortona.[2]

Verwysings
  1. Frankfurter Allgemeine Zeitung: Designer-ABC: Ferré, Gianfranco. Besoek op 26 Junie 2019
  2. "Fondazione Gianfranco Ferré: Foundation / Headquarters. Besoek op 26 Junie 2019". Geargiveer vanaf die oorspronklike op 20 Junie 2019. Besoek op 26 Junie 2019.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.