Gho

Die gho of g'ô (Dzongkha: བགོ, IFA: ɡ̊hoː˨)[1] is die tradisionele en nasionale drag vir mans in Bhoetan. Die eerste Shabdrung Rinpoche het dit in die 17de eeu ingestel om aan die Ngalop-volk ’n eiesoortige identiteit te verskaf. Dit is ’n knielengtekleed wat om die middel met ’n materiaalgordel, bekend as ’n kera (སྐེད་རགས་),[2][3][4] vasgemaak word. Op feesgeleenthede word dit saam met ’n kabney gedra.

Seuns dra die gho tydens ’n fees.
Koning Jigme Khesar Namgyel Wangchuck dra ’n gho en ’n koninklike saffraankleurige kabney.

Die regering van Bhoetan vereis dat alle mans wat in ’n regeringskantoor of skool werk, die gho dra. Mans dra dit ook by amptelike geleenthede. In sy moderne vorm dateer die wet van 1989, maar die driglam namzha (gedrags-en-klerekode) is baie ouer.

Verwysings
  1. Driem, George van (1998). Dzongkha = Rdoṅ-kha. Leiden: Research School, CNWS. p. 74. ISBN 978-9057890024.
  2. Levinson, David; Christensen, Karen (2002). Encyclopedia of Modern Asia: China-India relations to Hyogo. Encyclopedia of Modern Asia. Vol. 2. Charles Scribner's Sons. pp. 104–105. ISBN 0-684-31243-3. Besoek op 15 Oktober 2011.
  3. Brown, Lindsay; Armington, Stan (2007). Bhutan. Country Guides (3 uitg.). Lonely Planet. pp. 49–52, 80. ISBN 1-74059-529-7. Besoek op 15 Oktober 2011.
  4. Bartholomew, Mark (1985). Thunder Dragon Textiles from Bhutan: the Bartholomew Collection. Shikōsha. p. 38. Besoek op 16 Oktober 2011.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.