Gewei

Gewei is die term wat verwys na die horings van lede van die hertfamilie. Hulle is uitbreidings van die skedel en is ware beenstrukture wat gewoonlik in simmetriese pare groei. In die meeste spesies het net bulle gewei, en die primêre doel daarvan is om die moontlikheid van seksuele seleksie deur koeie te vergroot en om met ander bulle te baklei. In gematigde klimaatstreke word die gewei elke jaar afgeskud en nuut gegroei. By rendiere kry bulle én koeie gewei.[1]

Die gewei van ’n edelhertbul. Die fluweelagtige buitenste deel bevorder bloedvloei en verskaf suurstof en voedingstowwe aan die groeiende been.

Voorkoms en funksie
Manlike damherte aan die baklei.

Gewei is uniek aan herte. Dit het ’n fluweelagtige bedekking wat suurstof en voedingstowwe aan die groeiende been verskaf.[2]

In die meeste bevolkings van die Arktika en gematigde streke word die gewei jaarliks opnuut gegroei, maar die grootte hang in baie spesies van die dier se ouderdom af; dit word oor ’n tydperk elke jaar groter totdat dit ’n maksimum grootte bereik. In tropiese streke kan die gewei enige tyd van die jaar afgeskud word, en in sommige spesies net elke paar jaar.

Dit dien ook as wapens vir vegtende bulle, wat somtyds ernstige wonde kan toedien, en as ’n teken van dominansie en seksualiteit.[3]

Verwysings
  1. New World Deer (Capriolinae). Answers.com
  2. Hall, Brian K. (2005). "Antlers". Bones and Cartilage: Developmental and Evolutionary Skeletal Biology. Academic Press. pp. 103–114. ISBN 0-12-319060-6. Besoek op 8 November 2010.
  3. Whitaker, John O.; Hamilton, William J., Jr. (1998). Mammals of the Eastern United States. Cornell University Press. p. 517. ISBN 0-8014-3475-0. Besoek op 8 November 2010.{{cite book}}: AS1-onderhoud: meer as een naam (link)

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.