Gerhard Steyn

Gerhard Steyn (gebore op 27 November 1976) is 'n bekende Afrikaanse sanger en liedjieskrywer. Hy is in 2006 aangewys as die Vonk-liedjieskrywer van die jaar. Met sy liedjie Baby Tjoklits, wat hy self sing, verower hy die 2009 Vonk-prys vir liedjie van die jaar. Die liedjie is ook deur Radio Rippel se luisteraars as die liedjie van 2009 aangewys.[1][2] Steyn het ook as televisieaanbieder homself gevestig, waar hy saam met die akteur Alvin Bruinders, die program Konings van Kitskos, aangebied het op die Via-kanaal 147, op Dstv. Dié program het op televisie in 2017 verskyn en weens die gewildheid daarvan is die vyfde seisoen van Konings van Kitskos in 2020 begin uitsaai. Steyn is ook 'n sakeman en is mede-eienaar van die kuierplek, Live@Wildebeest, in Boksburg, Gauteng.

Gerhard Steyn
GeboortenaamGerhardus Pieter Steyn
Gebore27 November 1976 (1976-11-27)
Beroep(e)Sanger en liedjieskrywer
Jare aktief2005 - nou
EtiketteVONK
Webwerf[www.gerhardsteyn.co.za]

Loopbaan hoogtepunte

Steyn was op 16 Desember 2007 genooi deur die parlement vir 'n optrede. In 2010 het Steyn 'n toer onderneem na Dubai vir 'n optrede en dieselfde jaar was hy ook die afrigter vir die sangkompetisie, Supersterre. Ook in 2010 was Steyn deel van die groep kunstenaars van die Skouspel Plus konsert in Kaapstad, asook die Skouspel konserte by Sun City in 2010, 2012 en 2013. Vanaf 2010 tot 2016 het Steyn ook jaarliks by die hoof verhoog opgetree by die Innibos fees in Nelspruit. In 2012 was Steyn deel van die Voelgoed Ekspo, in samewerking met die tydskrif, Finesse, en in Augustus, dieselfde jaar, het Steyn die voorprogram behartig vir die konsert van MW Smith se toer na Suid-Afrika. In Oktober 2014 het Steyn die voorprogram behartig en geopen vir die Parletones se konsert by Carnival City. In 2015 het Steyn die hoofrol vertolk in die film, Forsaken, wat gebaseer is op 'n ware verhaal. In 2016 het Steyn saam met die aktrise Angelique Gerber, die hoofrol vertolk van die film, Sewentig x 7. In April 2017 het Steyn die rol van Jesus vertolk in die produksie, The Passion of Christ, wat vervaardig is deur Christian Family Church Internasionaal, wat vier vertonings gehad het met meer as 13 000 mense wat die uitvoering gaan kyk het.

Diskografie
  • Teen die Berg (2004)
  • 16 Songs (2006)
  • Breekbaar (2008)
  • Als Begin Eers Nou (2010)
  • Tien van Harte (2011)
  • Tydloos (2011)
  • Nuwe Krag (2012)
  • Brood en Melk (2013)
  • Liefdesoorlog (2014)
  • Afrikaanse Meisies (2015)
  • Hartvanger (2016)

DVD's
  • Steyn se musiek DVD van 17 Songs op 17 Mei Live@Emperors is in 2008 uitgereik.
  • In Februarie 2012 is Platinum Prins die Musiekvideos vrygestel.
  • In 2015 is die DVD Dekade Grootste Video Treffers vrygestel, waar 20 van sy treffers van 2005 tot 2015 te vier.

Toekennings
  • Vonk Afrikaanse Musiek Toekenning (VAMT): Beste Liedjieskrywer, saam met sy broer Danie; vir Boodskap in 'n Bottel (2006).
  • Radio Rippel 90.5 se wenner van: Liedjie van die jaar-kompetisie, waar luisteraars vir hul gunsteling liedjie kon stem en waar die liedjie, Baby Tjoklits, die gewildste was (2009).
  • Vonk Afrikaanse Musiek Toekenning: Liedjie van die jaar; Baby Tjoklits (2009).
  • Vonk Afrikaanse Musiek Toekenning: Beste DVD deur 'n solo kunstenaar, 17 Songs op 17 Mei (2009).
  • Vonk Afrikaanse Musiek Toekenning: Album van die jaar, Breekbaar (2009)
  • Vonk Afrikaanse Musiek Toekenning: Gewildste album van die jaar; Als Begin Eers Nou (2010)
  • Die liedjie, Diamante vir jou, is aangewys as Exactmobile se nommer een aflaaibare liedjie in 2010.
  • Vonk Afrikaanse Musiek Toekenning: Word vereer vir sy goue verkoopstatus vir sy album, Tien van Harte (2011).
  • Vonk Afrikaanse Musiek Toekenning: Ontvang 'n platinum eretoekenning vir sy album, Als Begin Eers Nou (2011).
  • Die DVD, Forsaken, behaal binne drie maande goue status in 2015.

Verwysings
  1. ‘Tjoklits’ laat Steyn die soet van die lewe proe[dooie skakel], Beeld, 16 Desember 2009.
  2. Radio Rippel se SA Top-10 Geargiveer 6 September 2009 op Wayback Machine, besoek op 24 Maart 2010.

Sien ook

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.