Gereformeerde kerk Witrivier

	Gereformeerde Kerk; Witrivier
Sluit in	Hazyview ; Pretoriuskop ; Skukuza; Witrivier
Klassis	Lydenburg
Huidige predikant(e)	Ds. Jaco Linde
Belydende lidmate	186
Dooplidmate	28
Adres	Maroelastraat 15 ; Parkville ; Witrivier
	Geskiedenis
Stigtingsdatum	Februarie 1966
Afgestig van	Nelspruit
Eerste predikant	L.A.S. van Wyk 1967–1972

Die Gereformeerde kerk Witrivier is die vyfde jongste van die 16 gemeentes in die GKSA se Klassis Lydenburg. Einde 2015 was hier 202 belydende en 32 dooplidmate, toe dit die sewende grootste gemeente in die Klassis was. Vyf jaar vantevore was die syfers onderskeidelik 203 en 47.

Die Gereformeerde kerk Witrivier.

Ds. Lou van Wyk, leraar (in kombinasie) van 1967 tot 1972, hier afgeneem in sy laaste jaar aan die PU vir CHO, 1960.

Ds. Lammert Stavast, leraar van 1972 tot 1974.

Dr. D.R. Fouché in sy laaste jaar aan die TSP, 1971. Hy was predikant hier van 1975 tot 1980, sy tweede gemeente.

Die gemeente Witrivier het in Februarie 1966 van die Gereformeerde kerk Nelspruit afgestig. Tydens die stigtingsvergadering het ’n lidmaat, Martiena van Bergen, aan die gemeente die Bybel en kanselkleed van die ontbinde Gereformeerde kerk Eldoret in Kenia geskenk. Vyf jaar later het oudl. M.J.L Duvenage ’n perseel voorberei sodat bouwerk aan ’n eie kerk daar kon begin.

Die argiteksfirma Derick Law & Dawson het die plan geteken en die bouaannemer was oudl. P.J.S. van Staden. Die bouwerk het sowat ’n jaar geduur en op 19 Februarie 1972 is die gebou in gebruik geneem tydens ’n geleentheid waar prof. Tjaart van der Walt die feesrede gelewer het.

Predikante

Van Wyk, Lourens Andries Stephanus, 1967 – 1972 (in kombinasie met Graskop/Sabie)
Stavast, Lammert Hendrik, 1972 – 1974
Fouché, dr. Daniël Rudolph, 1975 – 1980
De Beer, Dewald Lambertus, 1980 – 1989
Van der Walt, Pieter Johannes, 1989 – 28 Julie 2020 (oorlede in die amp)
Linde, Jaco, 13 Junie 2021 – hede

Bronne

(af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
(af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
(af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
(af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.
(af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.