Gereformeerde kerk Kamanjab

Die Gereformeerde kerk Kamanjab was ’n gemeente van die Gereformeerde Kerk in Suidwes-Afrika met sy middelpunt op die dorpie Kamanjab in die afgeleë noordweste van dié mandaatgebied.

Buiten dat die gemeente in 1969 gestig is en in 1977 ontbind het, maak die beskikbare bronne net melding daarvan dat dit deur die predikant van Outjo bedien is. Kamanjab het blykbaar ontstaan met die verdeling van die Gereformeerde kerk Outjo-Wes (in 1955 gestig as Vanjaarsveld) in Biermanskool en Kamanjab.

Predikant

Putter, Christiaan Johannes Jacobus, 1970–1977 (in kombinasie met Outjo en Outjo-Wes)

Bronne

(af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Aministratiewe Buro.
(af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.
(af) Kerkgebou staan al 61 jaar, Republikein, 15 April 2010. URL besoek op 29 November 2015.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.