Georgies-Ortodokse en Apostoliese Kerk

Die Georgies-Ortodokse en Apostoliese Kerk (Georgies: საქართველოს სამოციქულო ავტოკეფალური მართლმადიდებელი ეკლესია, sak’art’velos samots’ik’ulo avtokep’aluri mart’lmadidebeli eklesia) is ’n outokefale Oosters-Ortodokse Kerk en is in volle gemeenskap met die ander Oosters-Ortodokse kerke. Die primaat van die kerk het die titel Sy Heiligheid en Saligheid Katolikos-patriarg van die Hele Georgië, die Aartsbiskop van Mtskheta-Tbilisi en Metropoliese Biskop van Abchasië en Pitsoenda.

Georgies-Ortodokse en Apostoliese Kerk
Die Glorie van Iwerië, ’n ikoon wat die stigting van die Georgies-Ortodokse Kerk voorstel. Iwerië is ’n ou naam vir Georgië wat dikwels in die Kerk gebruik word.
Moederkerk	Patriargaat van Antiogië
Stigtingsjaar	486
Stigter	Nina van Georgië
Status	Outokefaal
Kerkleiding
Hoof	Ilia II
Hoof se titel	Sy Heiligheid en Saligheid Katolikos-patriarg van die Hele Georgië, die Aartsbiskop van Mtskheta-Tbilisi en Metropoliese Biskop van Abchasië en Pitsoenda
Setel	Tbilisi, Georgië
Besonderhede
Liturgie	Bisantyns
Liturgiese taal	Georgies
Kalender	Juliaans
Gelowiges	3,5 miljoen
Bisdomme	35
Webtuiste
http://www.patriarchate.ge

Georgiese Ortodoksie is sedert die 4de eeu die staatsgodsdiens van Georgië en dit is steeds die land se grootste godsdiensinstelling. Die grondwet erken die besonderse rol van die Kerk in die land se geskiedenis, maar bepaal dat die Kerk onafhanklik van die staat is.