Georgiërs

Die Georgiërs of Kartweliërs (Georgies: ქართველები, kartwelebi) is 'n nasie en etniese groep inheems aan Georgië wat Georgies en ander Kartweliese tale as moedertaal praat. Hulle vorm naas die Azerbeidjanners en die Armeniërs die derde grootste inheemse etniese groep in die Kaukasus-streek en die titulêre nasie van Georgië, waar hulle sowat 84% van dié land se bevolking uitmaak.

Een teorie oor die Georgiërs se naam is dat dit van Sint Joris, Georgië se beskermheilige, afgelei is.[6] Standbeeld in Tbilisi
Hierdie artikel handel oor die etniese groep. Vir die taal, sien Georgies.
Georgiërs
Kartweliërs

Totale bevolking: ca. 5–7 miljoen
Belangrike bevolkings  in: Vlag van Georgië Georgië ~3,7 miljoen[1]

Vlag van Rusland Rusland 157 803[2]
Vlag van Oekraïne Oekraïne 34 199[3]
Vlag van Griekeland Griekeland 27 400[4][5]

Taal: Georgies en ander Kartweliese tale
Geloofsoortuiging: Hoofsaaklik Oosters-Ortodokse Kerk (Georgies-Ortodokse en Apostoliese Kerk)
Minderhede van Ateïsme, Rooms-Katolieke Kerk, Islam
Verwante etniese groepe:

Volgens oorlewerings is die Georgiërs afstammelinge van Kartlos, hul mitiese voorvader in die Georgiese mitologie. Kartlos was 'n nakomeling van die Bybelse Noag en moontlik naamgewer van die Georgiërs (Kartweliërs).

Die meeste Georgiërs is aanhangers van die Georgies-Ortodokse en Apostoliese Kerk, een van die wêreld se oudste nasionale kerke. Reeds in die 4de eeu het die Christendom die Koninkryk van Iberië bereik en die staatsgodsdiens van Georgië geword. Daarbenewens bestaan minderhede soos ateïste, Rooms-Katolieke en Moslems.

Wêreldwyd leef tussen 5 en 7 miljoen Georgiërs, waarvan sowat as 3,7 miljoen in Georgië, 157 803 in Rusland, 34 199 in Oekraïne en 27 400 in Griekeland. Naas Georgiërs leef nog klein minderhede soos Azerbeidjanners (6,5%) en Armeniërs (5,7%) in Georgië.

Verwysings
  1. (en) "Preliminary Results of 2014 General Population Census of Georgia — National Statistics Office of Georgia" (PDF). Geargiveer vanaf die oorspronklike (PDF) op 4 Oktober 2018. Besoek op 1 Mei 2015.
  2. (ru) "Итоги Всероссийской переписи населения 2010 года в отношении демографических и социально-экономических характеристик отдельных национальностей". Geargiveer vanaf die oorspronklike op 29 April 2020. Besoek op 21 Augustus 2015.
  3. (en) "Всеукраїнський перепис населення 2001 – English version – Results – Nationality and citizenship – The distribution of the population by nationality and mother tongue – Selection:". Besoek op 21 Augustus 2015.
  4. (en) "Announcement of the demographic and social characteristics of the Resident Population of Greece according to the 2011 Population – Housing Census" (PDF). Statistiek Griekeland. Geargiveer vanaf die oorspronklike (PDF) op 18 Maart 2015. Besoek op 18 Maart 2015.
  5. (ka) "ქართველები საბერძნეთში". State Ministry on Diaspora Issues of Georgia. Geargiveer vanaf die oorspronklike op 15 April 2019. Besoek op 7 April 2016.
  6. (en) Lang, David Marshall (1966), The Georgians, bl. 5-6. Praeger Publishers. Khintibidze, Elguja (1998), The Designations of the Georgians and Their Etymology, bl. 29-30. Tbilisi State University Press, ISBN 5-511-00775-7.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.