Geografiese tong
'n Geografiese tong is 'n genetiese variasie van die tong, wat gekenmerk word aan sy voorkoms (dié van 'n kaart) en verhoogde sensitiwiteit. Dit is nie 'n siekte of 'n aandoening nie. Die geografiese of "kaart"-agtige voorkoms en sensitiwiteitsvlak kan wissel.
Die bokant van 'n tong is bedek met klein uitsteeksels: tongpapille. Op 'n geografiese tong is daar rooi vlekke op die tong met aangrensende wit-grys vlekke. Die ouer papille val af van die tong af, maar kan tot 10 dae neem om terug te groei. In die rooi vlekke is daar geen papille nie, terwyl daar 'n oorvloed papille in die witterige areas is. Die vlekke kan verskyn, rondskuif of verdwyn na ure of selfs dae en kan hulle grootte en vorm verander. 'n Geografiese tong is soms meer sensitief, siende dat sommige stowwe (byvoorbeeld asyn, vrugtesap of branderige speserye) soms 'n brandende sensasie kan veroorsaak.
Geografiese tong word met 'n aantal verskeie genes geassosieer en is oorerflik. Dit word ook meer dikwels aangetref in mense wat meer omgewingsensitief is, d.w.s. mense wat gevoelig is vir allergieë, ekseem en asma.
Die effekte van 'n geografiese tong word soms vererger deur stres of wisselings in hormoonvlakke.