Geoff Makhubo

Moloantoa Geoffrey "Geoff" Makhubo (8 Februarie 1968 – 9 Julie 2021) was 'n Suid-Afrikaanse politikus en burgemeester van die Stad Johannesburg Metropolitaanse Munisipaliteit tot sy afsterwe. Makhubo was 'n lid van die African National Congress en die party se streeksvoorsitter in Johannesburg. Hy was die lid van die burgemeesterskomitee vir finansies onder die burgemeesterskap van Parks Tau.

Geoff Makhubo
Geoff Makhubo
Makhubo in 2019
Ampstermyn
4 Desember 2019 – 9 Julie 2021
Voorafgegaan deur Herman Mashaba
Opgevolg deur Eunice Mgcina (Waarnemend)[1]
Jolidee Matongo
Streeksvoorsitter van die ANC in Johannesburg
Ampstermyn
1 Julie 2018 – 9 Julie 2021
Voorafgegaan deur Parks Tau
Persoonlike besonderhede
Gebore Moloantoa Geoffrey Makhubo
8 Februarie 1968
Soweto, Transvaal, Suid-Afrika
Sterf 9 Julie 2021 (op 53)
Johannesburg
Nasionaliteit Suid-Afrikaner
Politieke party African National Congress

Lewensloop

Makhubo is op 8 Februarie 1968 in Soweto in die ou Transvaalprovinsie gebore. In 1990 het hy 'n BComm-graad aan die Universiteit van die Witwatersrand verwerf. Hy het ook talle gevorderde bestuurskursusse voltooi.

Makhubo het as lid van die burgemeesterskomitee vir finansies onder die burgemeesterskap van Parks Tau gedien. Die ANC het in 2016 beheer van die Johannesburgse metropolitaanse munisipaliteit verloor. Makhubo was die ANC se streekstesourier voordat hy in Julie 2018 as die streeksvoorsitter verkies is.[2] Ná die bedanking van Parks Tau in Mei 2019, is Makhubo as die ANC se nuwe koukusleier in raad verkies.

Op 28 November 2019 het die ANC aangekondig dat Makhubo hul burgemeesterskandidaat is. Dit volg nadat die DA se Herman Mashaba uit die amp bedank het.[3] Hy is as burgemeester verkies op 4 Desember 2019 nadat hy 137 uit 268 stemme ontvang het. Die DA se Funzela Ngobeni het 101 stemme gekry, terwyl die EFF se Musa Novela 30 stemme gekry het.[4] Makhubo was van bedrog, korrupsie en geldwassery beskuldig.[5]

Sterfte

Makhubo het op 9 Julie 2021 aan komplikasies van Covid-19 beswyk. Hy was vir 'n week lank gehospitaliseer.[6]

Verwysings
  1. "Eunice Mgcina is acting mayor of Joburg".
  2. Mdhluli, Nomsa (1 Julie 2018). "Goeffrey Makhubo elected ANC's regional chair In Johannesburg". SABC News (in Engels). Geargiveer vanaf die oorspronklike op 11 Junie 2020. Besoek op 11 Junie 2020.
  3. Cornelissen, Christel (28 November 2019). "Steeds geen nuwe burgemeester vir Jhb". Maroela Media. Geargiveer vanaf die oorspronklike op 11 Junie 2020. Besoek op 11 Junie 2020.
  4. "ANC regeer weer in Johannesburg". Maroela Media. 4 Desember 2019. Geargiveer vanaf die oorspronklike op 11 Junie 2020. Besoek op 11 Junie 2020.
  5. Comrie, Susan (6 Desember 2018). "Geoff Makhubo, Jo'burg ANC leader, scored millions from City contract". The Daily Maverick (in Engels). Geargiveer vanaf die oorspronklike op 9 Januarie 2020. Besoek op 11 Junie 2020.
  6. "City of Johannesburg Mayor Geoff Makhubo has died from Covid-19". News24. 9 Julie 2021. Besoek op 9 Julie 2021.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.