Gemini 9A

Gemini 9A (amptelik Gemini IX-A)[1] was die sewende bemande ruimtevlug van NASA se Gemini-program. Dit was ook die dertiende bemande Amerikaanse ruimtevaart en die 23ste ruimtevaart ooit, insluitend twee vlugte van X-15. Die oorspronklike bemanning van Gemini 9, bevelvoerder Elliot See en Charles Bassett het verongeluk met 'n Northrop T-38 Talon opleidingsvliegtuig op pad na die McDonnell-fabriek in St. Louis, Missouri om hulle ruimtetuig te inspekteer. Die rugsteunbemanning Thomas P. Stafford en Eugene Cernan is toe bevorder tot hoofbemanning en Jim Lovell en Buzz Aldrin is aangestel as die rugsteunbemanning.

Gemini 8 besig om te dok met die Agena. Gemini 9A kon egter nie daarin slaag om te dok nie (sien teks).

Die sending is toe hernoem as Gemini 9A nadat die oorspronklike lanseerdatum van 17 Mei uitgestel is omrede die sending se Agena-teikenruimtetuig vernietig is in 'n ramp tydens lansering. Die sending het toe plaasgevind van 3-6 Junie 1966, nadat die rugsteunteikenruimtetuig gelanseer is. Gemini 9A het die teiken bereik maar kon nie daarmee dok nie, omrede die neusbedekking van die Agena-teiken nie afgeskiet het nie weens 'n lanseringsprobleem.

Cernan het toe vir twee ure lank 'n ruimtewandeling onderneem waartydens hy onder andere 'n onafhanklike, selfaangedrewe ruimtepak van die Amerikaanse Lugmag sou gebruik om te demonstreer dat vrye vlug moontlik was. Hy slaag egter nie daarin nie weens uitputting, stres en oorverhitting.

Bemanning


Posisie	Ruimteman
Bevelvoerder	Thomas P. Stafford Tweede ruimtevlug
Vlieënier	Eugene Cernan Eerste ruimtevlug

Verwysings

Hacker, Barton C.; Grimwood, James M. (September 1974). "Chapter 11 Pillars of Confidence". On the Shoulders of Titans: A History of Project Gemini. NASA History Series. Vol. SP-4203. NASA. p. 239. Geargiveer vanaf die oorspronklike op 13 Januarie 2010. Besoek op 14 Junie 2022. Vanaf Gemini IV, het NASA Romeinse syfers begin gebruik om die Gemini sending name aan te dui.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[titans-1] Hacker, Barton C.; Grimwood, James M. (September 1974). "Chapter 11 Pillars of Confidence". On the Shoulders of Titans: A History of Project Gemini. NASA History Series. Vol. SP-4203. NASA. p. 239. Geargiveer vanaf die oorspronklike op 13 Januarie 2010. Besoek op 14 Junie 2022. Vanaf Gemini IV, het NASA Romeinse syfers begin gebruik om die Gemini sending name aan te dui.