Gemeente

'n Gemeente is in Protestantse tradisie 'n plaaslike geloofsgemeenskap. Die nasionale kerkverband word meestal met die term kerk aangedui, byvoorbeeld Nederduitse Gereformeerde Kerk. In die Gereformeerde Kerke in Suid-Afrika word egter gewoonlik na elke plaaslike groepering as 'n kerk verwys omdat, volgens dié kerkverband, "elke plaaslike kerk (gemeente) 'n komplete openbaring van die liggaam van Christus is".[1] Vandaar die meervoudsvorm "Kerke" in die genootskap se naam.

Die kerkgebou vorm gewoonlik die spil waarom 'n godsdienstige gemeente se bedrywighede draai. Hier verlaat lidmate van die NG gemeente Drieankerbaai die kerk ná die erediens op Sondag 28 November 2010.

In ander kulture

Die begrip gemeente het verskillende betekenisse in verskillende lande en tale. In Suid-Afrika (Afrikaans) het die begrip 'n godsdienstelike (kerklike) verbintenis.

In Nederland word 'gemeente' gebruik om na 'n munisipaliteit te verwys. Ook in Duitsland (Duits) word die begrip 'Gemeinde' gebruik vir 'n oord, stad, dorp, dog ook vir 'n Christelike kerkgemeenskap.

Vertaling

Die Nederlandse woord "gemeente" word gewoonlik in Afrikaans vertaal as "munisipaliteit" of "munisipale gebied". Die Afrikaanse woord "gemeente" sal 'n mens in Nederlands vertaal met "parochie" of "kerkgemeente".

Verwysings
  1. (af) Du Toit, prof. dr. S. 1955. Handleiding vir die studie van die kerkgeskiedenis. Potchefstroom: Pro Rege-Pers Beperk.

Sien ook

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.