Geelneusmalmok
Die geelneusmalmok, of geelneusalbatros, is 'n algemene seevoël. Wetenskaplikes is dit tans nie eens of die voël eintlik twee spesies verteenwoordig, die Atlantiese geelneusmalmok (Thalassarche chlororhynchos) en die Indiese geelneusmalmok (Thalassarche carteri), of die tweede 'n subspesie van die eerste is, en of beide dieselfde spesie is nie. Hoe dit ook al sy, geelneusmalmokke kan op eilande en kusgebiede in die Atlantiese en Indiese Oseaan aangetref word.
| Geelneusmalmok | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | T. chlororhynchos |
| Binomiale naam | |
| Thalassarche chlororhynchos (Gmelin, 1789) | |
| Sinonieme | |
|
| |
Die geelneusmalmok is kleiner en fyner as die swartrugmalmok. Hy het wit vlerke met 'n smal, swart randstreep. Die vlerkrugkant, mantel en stertrugkant is swarterig-bruin. Die snawel kom pikswart voor, maar van naby kan 'n geel streep op die boonste rif waargeneem word. Die geel streep ontbreek by onvolwassenes, maar hulle het wel dieselfde ondervlerkvoorkoms as die volwassenes. Onvolwassenes kan ook van volwassenes onderskei word deurdat eersgenoemde se kop heeltemal wit is, sonder die grys skynsel wat by volwassenes voorkom. Diegene wat ten gunste van afsonderlike spesies is, merk op dat die volwasse voëls wat in die Indiese Oseaan voorkom se kop wit is, met 'n grys skynsel op hul wange, terwyl dié in die Atlantiese Oseaan se hele kop deur 'n grys skynsel gedek word.
Die voëls is meer volop langs die ooskus en in die winter volg hulle die sardynskole langs die KwaZulu-Natalse kus.
Sien ook
Bronnelys
- Suider-Afrikaanse Voëls, deur Ian Sinclair (1994). Struik uitgewers: Kaapstad. ISBN 1-86825-628-6
- Newman Se Voëls Van Suider-Afrika (2002), deur Kenneth Newman. Struik uitgewers. ISBN 1-86872-734-3, 9781868727346.