Galilea

Galilea (Hebreeus: ‏הגליל, haGalil, wat 'n afkorting is vir galil ha-gojiem, "distrik van heidene"; Grieks: Γαλιλαία, Galilaía; Latyn: Galileia) is 'n uitgestrekte landstreek in die noorde van Israel. Dit is onder meer bekend as die gebied waar Jesus opgegroei en gepreek het, en word op 'n paar plekke in die Nuwe Testament vermeld.

Galilea aan die begin van die gangbare jaartelling

Ou pad van Rosh Pina na Safed in Galilea

Die streek word algemeen in twee opgedeel: Hoog-Galilea in die noorde en Laag-Galilea in die suide. Hoog en laag dui op die topografiese hoogte. Tussen hierdie twee streke loop die Bet Netofa-vallei. Die ooste van Hoog-Galilea word ook die "vinger van Galilea" genoem.

Die belangrikste stede in Galilea is Nasaret, Tiberias en Safed. Die stad Haifa, hoewel buite Galilea geleë, is 'n belangrike dienstesentrum en groter as enige ander stad in Galilea. Ander stede in Galilea is Kirjat Sjmona, Karmiël en Sachnin en aan die rand van Galilea, Nahariya, Akko (weste), Afula en Bet Shean (suide).

Galilea is 'n trekpleister vir Israelse en internasionale toeriste. Enkele van die hoogtepunte is die Meer van Tiberias (ook bekend as die See van Galilea), die ou stad van Safed, die graf van Maimonides in Tiberias, vestings van kruisvaarders in Akko en Bet Shean, Nasaret, Kapernaüm en die Taborberg, die Tefen-beeldetuin, berge, uitgestrekte bosse en natuurreservate, en kleiner dorpe waar mens goedkoop kamers kan huur.

Safed in Galilea

Eksterne skakels

Wikimedia Commons het meer media in die kategorie Galilea.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.