Galápagos-skilpad

Die Galápagos-skilpad (Chelonoidis nigra, sinoniem Chelonoidis elephantopus) is 'n reuse skilpad wat aan die familie van landskilpaaie (Testudinidae) behoort. Die skilpaaie kom endemies op die Galápagos-eilande voor en is die grootste lewende skilpadspesie ter wêreld. Hulle kan 1,3 tot 1,9 meter lank word, tot 250 kg weeg en tot 200 jaar oud word.

Galápagos-skilpad
Wetenskaplike klassifikasie
Koninkryk:
Animalia
Filum:
Chordata
Klas:
Reptilia
Orde:
Testudines
Suborde:
Cryptodira
Familie:
Testudinidae
Genus:
Chelonoidis
Spesie:
C. nigra
Binomiale naam
Chelonoidis nigra
(Quoy & Gaimard, 1824
Sinonieme
  • Testudo nigra Quoy & Gaimard, 1824
  • Testudo californiana Quoy & Gaimard, 1824
  • Geochelone elephantopus (Harlan, 1827)
  • Testudo galapagoensis Baur, 1889
  • Testudo elephantopus galapagoensis Mertens & Wermuth, 1955
  • Geochelone elephantopus galapagoensis Pritchard, 1967
  • Chelonoidis galapagoensis Bour, 1980
  • Chelonoidis nigra Bour, 1985
  • Chelonoidis elephantopus galapagoensis Obst, 1985
  • Geochelone nigra Pritchard, 1986
  • Geochelone nigra nigra Stubbs, 1989
  • Chelonoidis nigra galapagoensis David, 1994
  • Chelonoidis nigra nigra David, 1994
  • Geochelone elephantopus nigra Bonin, Devaux & Dupré, 1996
  • Testudo california Paull, 1998 (ex errore)
  • Testudo californianana Paull, 1999 (ex errore)
  • Geochelone nigra

Die skilpad word op sewe van die Galápagos-eilande aangetref. Hierdie eilande is deel van 'n vulkaniese eilandgroep, sowat 906 kilometer (563 myl) wes van die Ecuadorse vasteland. Spaanse ontdekkingsreisigers het die eilande in die 16de eeu ontdek, en dit die naam galápagos, wat skilpad beteken, gegee.

Toeriste besigtig Galápagos-skilpaaie

Die karapaks (bo-dop) wissel in grootte en vorm. Op eilande met 'n vogtige hoogland is die skilpaaie groter, met koepelvormige doppe en kort nekke. Op eilande met droë vlaktes, is die skilpaaie egter kleiner, met saalagtige doppe en lang nekke. Charles Darwin se waarneming van hierdie verskille (tydens sy tweede reis met die Beagle in 1835) het hom gehelp om sy teorie van evolusie te ontwikkel.

Eensame George in Desember 2006

Die bevolking van Galápagos-skilpaaie het oor die laaste dekades ernstig gekrimp. In die 16de eeu was daar meer as 250 000 individue. In die 1970's het die bevolking tot ongeveer 3 000 gedaal. Die daling is aan oorbenutting, verlies aan habitat en wedywering met ingevoerde spesies soos rotte, bokke en varke toegeskryf. Slegs tien van die oorspronklike vyftien subspesie het in die natuur oorleef. 'n Individu van die voormalige subspesie Chelonoidis nigra abingdonii, wat as 'Eensame George' bekend was, was die laaste van sy soort. Eensame George is egter op 24 Junie 2012 in aanhouding oorlede.[2]

Verspreiding

Verskeie pogings is aangewend om die skilpaaie van uitwissing te red. Duisende skilpaaie is in gevangenskap geteel en weer op hul tuiseilande vrygelaat. As gevolg hiervan het die bevolking aan die begin van die 21ste eeu tot 19 000 gegroei. Dit word egter steeds deur die Internasionale Unie vir die Bewaring van die Natuur (IUCN) as 'n "kwesbare" spesie gelys.

Fotogalery
  • 'n Galápagos-skilpad wat gras vreet.
    'n Galápagos-skilpad wat gras vreet.
  • Die een is besig met sy badroetine.
    Die een is besig met sy badroetine.
  • Eier en 'n klein skilpadjie
    Eier en 'n klein skilpadjie
  • Eensame George (C. n. abingdonii), let op die saalagte karapaks.
    Eensame George (C. n. abingdonii), let op die saalagte karapaks.
  • Skilpad van die subspesie C. n. chathamensis, met 'n effens saalagtige karapaks.
    Skilpad van die subspesie C. n. chathamensis, met 'n effens saalagtige karapaks.
  • C. n. porteri met 'n harde, koepelvormige karapaks.
    C. n. porteri met 'n harde, koepelvormige karapaks.

Verwysings
  1. Tortoise & Freshwater Turtle Specialist Group (1996) Chelonoidis nigra In: IUBN 2009. IUBN Rooi Lys van Bedreigde Spesies. Weergawe 2009.2. www.iucnredlist.org Verkry op 2012-01-11.
  2. Lonesome George, last-of-his-kind Galapagos tortoise, dies, chicagotribune.com, besoek op 25 Junie 2012

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.