Fugard-teater

Die Fugard-teater, wat genoem is na die dramaturg Athol Fugard, is op 12 Februarie 2010 in die nasionale erfenisgebied Distrik Ses, Kaapstad, geopen.[1]

Fugard-teater
Stad of dorpDistrik Ses, Kaapstad
LandSuid-Afrika
Geopen12 Februarie 2010
WebtuisteThe Fugard Theatre

Dit is in die historiese Sacks Futeran-gebou, voorheen ’n materiaal- en klerewinkel, in Caledonstraat geleë. Fugard het die teater amptelik geopen.[2] ’n Groep sangers, musikante en akteurs uit Kaapstad se townships, wat in 2006 deur Eric Abraham bymekaargebring is as die Isango Portobello-groep, het Mozart se opera Die Towerfluit uitgevoer.

In Maart 2010 het die wêreldpremière van The Train Driver, ’n nuwe Fugard-stuk wat spesiaal vir die teater se opening geskryf is, hier plaasgevind.[3]

Verwysings
  1. The Encyclopaedia of South African Theatre, Film, Media and Performance URL besoek op 2 Maart 2013
  2. Fugard open Kaapse teater, Die Burger, 15 Februarie 2010 Geargiveer 5 Oktober 2015 op Wayback Machine URL besoek op 2 Maart 2013
  3. Fugard skilder donker, lieflike landskap, Die Burger, 26 Maart 2010[dooie skakel] URL besoek op 2 Maart 2013

Eksterne skakel

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.