Franci Swanepoel

Franci Swanepoel (1972 - 15 Oktober 2022[1]) was ’n Suid-Afrikaanse aktrise en televisiepersoonlikheid.

Franci Swanepoel
Geboorte 1972
Johannesburg
Sterfte 15 Oktober 2022
Nasionaliteit Suid-Afrikaans
Beroep(e) Aktrise en televisiepersoonlikheid
Aktiewe jare 1970's tot 2022

Biografie

Sy was die dogter van Nic en Marida Swanepoel. Franci is in Johannesburg gebore en het aan Hoërskool Linden gematrikuleer. Sy het grootgeword in die vermaaklikheidsbedryf en het vanaf die ouderdom van vyf aan radiodramas deelgeneem.

Opleiding

Sy het drama aan die Universiteit van Stellenbosch studeer.

Bydrae tot Suid-Afrikaanse teater, film, media en/of opvoering

As student het sy opgetree in produksies van Women Behind Bars (1993), Die Renosters (1994), Ipekonders (1994), en Die Vampier (ATKV Kampustoneel 1994).

Tydens haar professionele loopbaan was sy te sien in Droom (1998), Siener in die Suburbs (KKNK 2002), Junkiedrome, High Street Theatre, 2002, Janneman (Woordfees 2011), Aantrekkingskrag in 2011, as Bea in Boksballade (KKNK 2013).

Sy het saam met Sandra Prinsloo in die produksie van Soebatsfontein by die Innibosfees van 2018 verskyn.

Haar televisierolle sluit Binnelanders in. Sy het ook as aanbieder van Fiësta op KykNET gewerk.

Toekennings

Sy is bekroon met die ATKV-Veertjie as beste aktrise vir haar rol as Toeks Joubert in Binnelanders in 2010.

Verwysings
  1. Krige, Elaine (16 Oktober 2022). Bekende aktrise sterf op 50. Maroela Media.

Bronne
  • Beeld, 19 April 2010.
  • Beeld, 26 September 2011.
  • Rapport, 31 Maart 2013.
  • "Pitkos vir almal by Innibos", Rapport Beleef 27 Mei 2018.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.