Fort Beaufort

Fort Beaufort (Xhosa: iBhofolo), amptelik hernoem na KwaMaqoma in Maart 2023,[2] is een van die oudste dorpe aan die vroeëre Oosgrens in die Oos-Kaap, Suid-Afrika. Die dorp lê aan die voet van die Winterberg en op die oewer van die Katrivier.

Fort Beaufort

Bofolo
Dorp
Die Martellotoring in Fort Beaufort
Die Martellotoring in Fort Beaufort
Fort Beaufort is in Oos-Kaap
Fort Beaufort
Fort Beaufort
 Fort Beaufort se ligging in Oos-Kaap
Koördinate: 32°47′S 26°38′O
LandVlag van Suid-Afrika Suid-Afrika
ProvinsieOos-Kaap
DistrikAmathole
MunisipaliteitRaymond Mhlaba
Stigting1840
Oppervlak
 • Totaal82,81 km2 (31,97 vk. myl)
Hoogte
444 m (1 457 ft)
Bevolking
 (2011)[1]
 • Totaal25 668
 • Digtheid310/km2 (800/vk. myl)
Rasverdeling (2011)
 • Wit mense2.6%
 • Indiërs/Asiërs0.4%
 • Bruin mense12.9%
 • Swart mense83.6%
 • Ander0.5%
Taal (2011)
 • Xhosa 76.9%
 • Afrikaans 15.4%
 • Engels 4.7%
 • Ander 3.0%
Poskode (strate)
5720
Poskode (posbusse)
5720
Skakelkode046

Geskiedenis

In 1822 is hier 'n blokhuis opgerig as vestiging vir Engelse troepe – onder bevel van lt.kol H Maurice – wat toesig moes hou oor vyandige Xhosa-krygers in die vrugbare Katriviervallei. Dit het 'n dorp geword teen 1840 en 'n militêre fokuspunt in die Grensoorloë. Tydens die Agtste Grensoorlog, op 7 Januarie 1851, is die fort suksesvol verdedig teen 'n groot Xhosa-leërmag. Die dorp is vernoem na die hertog van Beaufort, vader van die Goewerneur, lord Charles Somerset.

Alhoewel dit reeds sedert 1840 'n dorp is, is die NG gemeente Fort Beaufort hier eers in 1949 afgestig van Alice, 'n gemeente wat weens demografiese veranderings en die Nasionale Party-regering se beleid van apartheid nie meer bestaan nie.

Die eerste pad na Fort Beaufort vanaf Grahamstad, via die Eccapas, is deur Andrew Geddes Bain gebou.

Gesondheidsorg

Fort Beaufort het drie staatshospitale, naamlik Fort Beaufort Provinsiale Hospitaal (en) , Tower Psigiatriese Hospitaal (en) en Winterberg TB-hospitaal. Daar is ook 7 primêre gesondheidsorgklinieke in die area, naamlik C.C. Lloyd (in die dorp), Newtown, Hillside, Thozamile, Lulama Kama, Healdtown en Mxelo.

Distrik

Die distrik is 1 280 km2 groot. Die belangrikste produkte is beesvleis, merinowol en sitrusvrugte.

Galery
  • Victoriabrug - hoeksteen gelê in 1840 en voltooi in 1844
    Victoriabrug - hoeksteen gelê in 1840 en voltooi in 1844
  • Martellotoring - voltooi in 1846
    Martellotoring - voltooi in 1846
  • Militêre museum
    Militêre museum

Naburige dorpe
Komani
Balfour
Bedford en Adelaide Alice
Grahamstad King William's Town

Sien ook

Bron
  • Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.

Verwysings
  1. "Hoofplek Fort Beaufort". Sensus 2011.
  2. (en) Dayimani, Malibongwe. "Fort Beaufort was just renamed after Xhosa warrior chief Maqoma, and Somerset East is now Kwa Nojoli". News24 (in Engels (VSA)). Besoek op 14 Maart 2023.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.