Ford EcoBoost-enjin

EcoBoost is 'n familie turbo-aangejaagde, direkte petrolinspuitingenjins wat deur die Ford Motormaatskappy vervaardig word en gesamentlik deur "FEV Engineering" ontwikkel is.

Enjinblok van 'n 1.0 L I3 Ford EcoBoost

'n Ford EcoBoost-renmotor

Enjins toegerus met EcoBoost-tegnologie is ontwerp om krag en wringkrag te lewer vergelykbaar met dié van groter verplasing natuurlikgeaspireerde enjins terwyl dit ongeveer 20% beter brandstofdoeltreffendheid en 15% minder kweekhuisgasse as dieselfde (groter) enjins behaal. Ford beskou hul EcoBoost as 'n bekostigbare en veelsydige alternatief vir die kraglewering en brandstofdoeltreffendheid van hibried- en dieseltegnologie en beoog om dit op groot skaal te gebruik in toekomstige voertuigaanwendings.