Fontein van Jeug

Die Fontein van Jeug is 'n mitiese fontein wat na bewering almal wat sy water drink of daarin swem, se jeugdigheid herstel. Verhale oor so 'n fontein doen al duisende jare die ronde[1] en verskyn in die skryfwerk van Herodotos (5de eeu v.C.)[2], in 'n verhaal oor Alexander die Grote (3de eeu n.C.) en in die stories van Priester Johannes (vroeë Kruistogte, 11de/12de eeu).

Die Fontein van Jeug, 'n skildery uit 1546 deur Lucas Cranach die Ouere.

Stories oor soortgelyke waters kom voor onder die volke van die Karibiese See in die tyd van die ontdekkingsreise (vroeë 16de eeu).[3] Geskoei op hierdie legendes, het talle ontdekkingsreisigers en avonturiers gesoek na die ontwykende Fontein van Jeug of 'n ander kuur teen veroudering wat gewoonlik met towerwater verbind is. Dit kon 'n fontein, rivier of enige ander waterbron wees wat die verouderingsproses omkeer en siekes heel.

Die legende het veral in die 16de eeu prominent geword toe dit verbind is met die Spaanse ontdekkingsreisiger Juan Ponce de León, die eerste goewerneur van Puerto Rico. Ponce de León was na bewering op soek na die Fontein van Jeug toe hy in 1513 na Florida gevaar het. Volgens legendes het inheemse Amerikaners aan hom vertel die fontein is in Bimini in die Bahamas.

Verwysings

Zorea, Aharon (2017). Finding the Fountain of Youth: The Science and Controversy Behind Extending Life and Cheating Death. Westport, CT: Greenwood Press. pp. 35–39. ISBN 978-1-4408-3798-2.
Herodotos, Geskiedenis van Herodotos, Boek III: 23
Peck, Douglas T. "Misconceptions and Myths Related to the Fountain of Youth and Juan Ponce de Leon's 1513 Exploration Voyage" (PDF). New World Explorers, Inc. Geargiveer vanaf die oorspronklike (PDF) op 9 April 2008. Besoek op 3 April 2008.

Skakels

Wikimedia Commons het meer media in die kategorie Fontein van Jeug.
Hierdie artikel is in sy geheel of gedeeltelik uit die Engelse Wikipedia vertaal.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Zorea, Aharon (2017). Finding the Fountain of Youth: The Science and Controversy Behind Extending Life and Cheating Death. Westport, CT: Greenwood Press. pp. 35–39. ISBN 978-1-4408-3798-2.

[2] Herodotos, Geskiedenis van Herodotos, Boek III: 23

[Peck-3] Peck, Douglas T. "Misconceptions and Myths Related to the Fountain of Youth and Juan Ponce de Leon's 1513 Exploration Voyage" (PDF). New World Explorers, Inc. Geargiveer vanaf die oorspronklike (PDF) op 9 April 2008. Besoek op 3 April 2008.