Vloeispaat

Vloeispaat of fluoriet is 'n isometriese mineraal wat hoofsaaklik uit kalsiumfluoried CaF2 bestaan.

Vloeispaat
 
Blou vloeispaat 
FormuleCaF2 
OnsuiwerhedeY, Ce, Si, Al, Fe, Mg, Mg, Eu, Sm  
Kleurpers, goudgeel, groen, kleurloos, blou, pienk, bruin 
Streepwit 
Hardheid4 (Mohs) (standaard) 
Digtheid3,175 -3, 56 g/cm3 
Eenheidsel van die fluorietstruktuur 
RuimtegroepFm3m 
Strukturbericht-kodeC1 
Nommer225 
Eenheidsela= 5,4642 Å[1] 
* Lys van minerale
Portaal Geologie

Naam

Carlo Antonio Galeani Napione het dit in 1797 fluoriet (van Lat. fluere = vloei) genoem omdat dit as vloeimiddel aangewend is. Die Afrikaanse naam verwys ook hierna.

Voorkoms

Die mineraal word dikwels in hidrotermale are aangetref, veral indien hierdie lood of sinkminerale bevat. Graniete, pegmatiete en hoëtemperatuur-are kan dit ook bevat.

Kristalle het dikwels 'n kubiese vorm. Suiwer kalsiumfluoriet is kleurloos, maar onsuiwerhede kan aan die kristalle talle kleure verleen soos geel, blou of groen.

Struktuur

Vloeispaat het 'n kubiese struktuur wat bestaan uit 'n kubiese digpakking van kalsiumione waarvan alle tetraëderholtes met fluorione gevul is. Vloeispaat is die argetipe van hierdie struktuur wat gewoonlik die fluorietstruktuur genoem word en die Strukturbericht-kode C1 het. Daar is party ander minerale en sintetiese stowwe met 'n algemene formule MX2 wat hierdie struktuur het, soos uraniniet.

Hierdie struktuur is naverwant aan die diamantstruktuur van C, Si, Ge en die sfalerietstruktuur van Zns, ZnSe ensomeer waarin net die helfte van die tetraëderholtes gevul is.

Daar bestaan ook stowwe met 'n algemene formule M2X wat 'n antifluoriet-struktuur besit. Hier is rolle van die metaal- en niemetaalione omgedraai.

In die C1-struktuur is die metaalioon deur 'n kubus van 8 anione omring terwyl die anione 4 metaalbure het in 'n tetraëdriese rangskikking.

Verwysings
  1. "Mindat 4102" (in Engels). Geargiveer vanaf die oorspronklike op 17 April 2020.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.