Feniks (sterrebeeld)

Die Feniks (Latyn: Phoenix) is ’n klein sterrebeeld in die suidelike hemelruim. Dit is genoem na die mitologiese voël met dieselfde naam en was een van die 12 sterrebeelde wat in die 16de eeu deur Petrus Plancius geskep is na aanleiding van waarnemings deur Pieter Dirkszoon Keyser en Frederick de Houtman. Dit is duidelik te sien in die Suidelike Halfrond.

Feniks
Latynse naamPhoenix
GenitiefPhoenicis
AfkortingPhe
Waarnemingsdata (Epog J2000)
Regte klimming0h
Deklinasie-50º
Grootte469 vk. grade (37ste)
KwadrantSQ1
Besonderhede
Hoofsterre4
Helderste sterAlpha Phoenicis (Ankaa)
Naaste sterGliese 915
Sterre helderder as 3 m1
Sterre met planete15
Messier-voorwerpe0
Bayer-/Flamsteed-sterre25
SimboliekVoël wat uit sy as herbore word
MeteoorreënsPhoenicids
Aangrensende sterrebeelde
Beeldhouer, Kraanvoël , Toekan, Suidelike Waterslang (hoek), Eridanus, Oond
Portaal  Portaalicoon   Sterrekunde

Daar is net een ster in die konstellasie wat helderder as 3 mag is: Alpha Phoenicis of Ankaa, ’n Arabiese woord wat "die feniks" beteken.

Geskiedenis

Die Feniks is nie een van die 48 antieke sterrebeelde nie omdat dit omstreeks 1000 v.C. nie te sien was op Kreta (35° N) nie. Vanweë die presessie (draaiing van die aarde) het die sterrebeeld in die laaste 3 000 jaar 15 grade noord geskuif. Oor sowat 9 200 jaar sal Feniks in die hele Noordelike Halfrond te sien wees voor dit weer terugdraai en suidwaarts begin beweeg.

Mitologie

Die Feniks was in die Egiptiese mitologie ’n voël wat met die skepping van die Aarde verskyn het. Hy is as heilig beskou en meestal as ’n songod vereer. Die Antieke Grieke en Romeine het dit in hul mitologie oorgeneem. Die moderne betekenis van ’n voël wat verbrand en uit sy eie as opstaan, stam eers uit die 1ste eeu n.C.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.