FC Ingolstadt 04
FC Ingolstadt 04 is 'n Duitse sokkerklub uit Ingolstadt in Beiere. Die klub het in 2004 ontstaan na 'n samesmelting tussen ESV Ingolstadt en MTV Ingolstadt.
 | |
| Volledige naam | Fußball-Club 2004 Ingolstadt e.V. |
| Stigtingsdatum | 1 Julie 2004 |
| Tuisveld | Bezirksportanlage Mitte, Ingolstadt |
| Kapasiteit | 8 000 |
| Kompetisie | Regionalliga Suid |
ESV Ingolstadt
FC Viktoria Ingolstadt is in 1919 gestig en 2 jaar later herdoop na VfR Ingolstadt. In 1925 smelt die klub saam met Turnverein 1861 Ingolstadt en word so VfB Ingolstadt-Ringsee. Van 1936 tot 1938 speel die klub in die hoogste klas, die Gauliga. Na die Tweede Wêreldoorlog is die klub op 26 Desember 1946 heropgerig as VfL Ingolstadt-Ringsee en verander in 1951 sy naam in Erster SV Ingolstadt-Ringsee. In 1953 verander die klub sy naam vir die laaste keer en word Eisenbahner -Sportverein Ingolstadt-Ringsee e.V., kortweg ESV Ingolstadt. In 1979 promoveer die klub na die 2. Bundesliga, toevallig een van die twee seisoene wat die klub se stadsgenoot MTV Ingolstadt ook in die 2. Bundesliga was. Die klub is in 2004 bankrot verklaar en die sokkerspelers van die span en die sokkerspelers van MTV Ingolstadt het saam FC Ingolstadt 04 gevorm. Die terrein van die ESV-stadion word nog deur die nuwe klub se reserwes gebruik.
MTV Ingolstadt
Die Männer-Turn-Verein von 1881 Ingolstadt, kortweg MTV Ingolstadt, het op 24 Maart 1905 'n sokkerafdeling opgerig. In 1978 promoveer die klub na die 2. Bundesliga, die hoogtepunt in die klub se geskiedenis. Nadat ESV Ingolstadt in 2004 bankrot geraak het, het die sokkerspelers van MTV die klub verlaat om saam met die spelers van ESV die nuwe FC Ingolstadt 04 te vorm.
FC Ingolstadt 04
Die eerste 2 seisoene van die nuwe klub in die Oberliga Beiere was baie suksesvol met een 2de en een 1ste plek. In die 2006/07-seisoen speel die klub vir die eerste keer in die Regionalliga Suid. Die klub se tuisveld is die Bezirksportanlage Mitte, voorheen bekend as die Stadion Am Kreuztor van MTV Ingolstadt.
Onlangse ligaposisionering
|
ESV Ingolstadt
|
MTV Ingolstadt
|
FC Ingolstadt 04
|
