Eugene Beukes

Eugène Beukes is ’n Suid-Afrikaanse skrywer en is in Kaapstad gebore.

Lewe en werk

Hy word groot op Worcester, waar hy sy skoolopleiding ontvang. Na skool studeer hy verder aan die Universiteit van die Wes-Kaap. Vanaf 1988 tot 1996 is hy predikant van die Verenigende Gereformeerde Kerk in Malmesbury en vanaf November 1996 bedien hy die gemeente Riverlands. Van 1996 tot 1998 dien hy op die bestuur van die Afrikaanse Skrywersvereniging en vanaf 1997 tot 2000 is hy as projekleier betrokke by die Weskus Slypskool vir voornemende skrywers.

Skryfwerk

Hy debuteer as digter in 1995 in die versamelbundel “Ons kom van ver af” saam met vier predikant-kollegas. In dieselfde jaar word 'n gedig van hom opgeneem in die Nederlands-Vlaamse tematiese versebundel “Vrede sluiten is wegen openen”. Van sy gedigte is ook opgeneem in die versamelbundels “Poskaarte”, “Nuwe Afrikaans sonder grense vir Graad 12” en “Metafore vir herlewing”, laasgenoemde saamgestel deur die Afrikaanse Skrywersvereniging.

Bronne

Afrikaanse Skrywerskring “Metafore van herlewing” LAPA Uitgewers Pretoria Eerste druk 2002

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.