Esterházy

Esterházy (ook gespel as Eszterházy; Latyns: Estoras; Hongaarse uitspraak: [ˈɛstɛrhaːzi]) is 'n Hongaarse adellike familie met oorspronge in die Middeleeue. Vanaf die 17de eeu was hulle een van die groot magnatefamilies met uitgestrekte grondbesit in die Koninkryk Hongarye toe dit deel uitgemaak het van die Habsburgse Ryk en later Oostenryk-Hongarye. Die Esterházys was steeds lojaal aan die Huis van Habsburg en het in 1626 die grawetitel ontvang. Die Forchtenstein-linie was vanaf 1712 ryksvorste in die Heilige Romeinse Ryk. Nadat dit in 1806 ontbind is, is die familie by die hoë Duitse adel gereken. Uit die familie het talle diplomate, offisiere in die Hongaarse leër en kunsbeskermhere gekom.[1]

Die Esterházy-wapen uit die 14de en 15de eeu