Ensi

Ensi (wigskrif: 𒑐𒋼𒋛, pa.te.si; Sumeries: ensik, "meester van die ploegland"; Akkadies: iššakkum)[1][2] was die Sumeriese titel van ’n heerser of prins van ’n stadstaat. Dit kon oorspronklik op ’n onafhanklike heerser gedui het, maar in latere tydperke was ’n ensi ondergeskik aan ’n lugal.

PA.TE.SI (Ensi) op die tablet van Lugalanatum.
’n Afdruk van ’n Sumeriese silinderseël uit omstreeks 3200 v.C. wys ’n ensi en sy helper wat diere kosgee.

Beskrywing

Vir die Vroegdinastiese Tydperk van Mesopotamië (omstreeks 2800-2350 v.C.) is die onderskeid tussen ’n ensi en lugal nie duidelik nie. Ensi kon aanvanklik ’n heerser van Lagasj en Umma beteken het.[3] Die ensi is beskou as ’n verteenwoordiger van die stadstaat se beskermingsgod.[4] In latere tydperke was hy ondergeskik aan ’n lugal.

Gedurende die Derde Dinastie van Ur (omstreeks 2100-2000 v.C.) het die titel verwys na die provinsiale goewerneurs van die koninkryk. Hulle het groot mag gehad, maar is deur die lugal van Ur aangestel, gekontroleer en afgedank. Die posisie kon geërf word, maar die aanstelling moes deur die lugal bekragtig word.[5]

Verwysings
  1. John Allan Halloran: Sumerian Lexicon. Logogram Publishing, Los Angeles (Cal.) 2006.
  2. "ePSD: ensik[ruler]". psd.museum.upenn.edu. Besoek op 31 Augustus 2017.
  3. Horst Klengel (Hrsg.): Kulturgeschichte des alten Vorderasiens. Akademie Verlag, Berlin 1989.
  4. Saggs, H.W.F. 1988, The Greatness That Was Babylon (hersiene uitgawe)
  5. Dietz Otto Edzard: Geschichte Mesopotamiens. C.H. Beck, München 2004.

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.