Elsas-Lotaringe

Elsas-Lotaringe (Duits: Reichsland Elsaß-Lothringen, Frans: Alsace-Lorraine) was tussen 1871 en 1918 'n administratiewe gebied van die Duitse Keiserryk wat uit die historiese landskap Elsas (sonder Belfort) en die noordooste van Lotaringe (met Metz) gevorm is. Straatsburg het as administratiewe hoofstad gefungeer.

Reichsland Elsaß-Lothringen
Elsas-Lotaringe
Land van die Duitse Keiserryk
←
1871 – 1918 →
Vlag Wapenskild
Volkslied
Elsässisches Fahnenlied
Ligging van Elsas-Lotaringe
Die ligging van Elsas-Lotaringe in die Duitse Keiserryk
Hoofstad Straatsburg
48°35′N 7°44′O
Regering Provinsie
Reichsstatthalter
 - 1871–1879 Eduard von Möller (eerste)
 - 1918 Rudolf Schwander (laaste)
Legislature Landtag
Historiese era Nuwe Tyd
 - Frans-Duitse Oorlog 1870–1871
 - Verdrag van Frankfurt am Main 10 Mei 1871
 - Ontbinding 1918
 - Verdrag van Versailles 28 Junie 1919
Area
 - 1910 14 496 km² (5 597 sq mi)
Population
 - 1910 est. 1 874 014 
     Density 129,3 /km²  (334,8 /sq mi)
Die administratiewe distrikte van Elsas-Lotaringe: Lothringen (Lorraine), Unterelsaß (Basse Alsace) en Oberelsaß (Haute Alsace)

Die gebied met 'n oppervlakte van sowat 14 500 km² en 'n bevolking van sowat 1 550 000 (1871) en 1 874 000 (1910) is ná die Frans-Duitse Oorlog geannekseer en as sogenaamde Reichsland ('Ryksland') regstreeks deur die Duitse Ryk geadministreer. Dit het sodoende nie dieselfde regtelike status geniet soos ander Duitse deelstate nie.

Volgens die Verdrag van Versailles het die gebied ná die Eerste Wêreldoorlog weer Frans geword. Gedurende die Tweede Wêreldoorlog is Elsas-Lotaringe tussen 1940 en 1945 deur Duitse troepe beset en tussen 1942 en 1945 formeel by die destydse Groot-Duitse Ryk ingelyf.

Elsas-Lotaringe het uit drie distrikte (Duits: Bezirke) bestaan:

  • Neder-Elsas (Duits: Unterelsaß), die huidige département Bas-Rhin van die administratiewe gewes Elsas
  • Bo-Elsas (Duits: Oberelsaß), die huidige département Haut-Rhin van die administratiewe gewes Elsas
  • Lotaringe (Duits: Lothringen), die huidige département Moselle van die administratiewe gewes Lotaringe
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.