Elana Meyer

Elana Meyer (gebore 10 Oktober, 1966 in Albertinia, Suid-Afrika) is 'n voormalige langafstand hardloper van Suid-Afrika.

Van 1991 tot en met 1995 en van 1997 tot 2007 was sy die houer van die wêreldrekord in die halfmarathon. In totaal verbeter sy die wêreldrekord vier keer. Die laaste keer, op 15 Januarie 1999 in Tokio, behaal sy 'n tyd van 1:06.44. Die rekord staan tot 2007, waarna Lornah Kiplagat haar rekord breek.

Meyer het die silwer medalje tydens die Olimpiese Somerspele 1992 in die 10,000 meter item gewen. Na die item hardloop sy en 'n swart Ethiopiese hardloper, Derartu Tulu 'n ere rondte hand-aan-hand saam ter viering van Suid-Afrika se hertoelating tot die Spele.

In 2005 maak Elana Meyer bekend dat sy as atleet uittree.