Ekstra tyd

Ekstra tyd in sport is die verlenging van 'n bepaalde wedstryd om 'n gelykopuitslag te vermy. Na afloop van so 'n gelykopwedstryd word die wedstryd met 'n vasgestelde aantal minute verleng in die hoop dat een van die spanne dit sal wen. As daar ná ekstra tyd nog steeds nie 'n wenner is nie word ander metodes gebruik om 'n uitslag af te dwing.

Beseringstyd, in teenstelling met ekstra tyd, is die verlenging van 'n bepaalde wedstryd om te vergoed vir tyd wat verlore gegaan het tydens die mediese versorging van spelers op die veld.

Sokker

In sokker word verskeie variasies van ekstra tyd toegepas, soos die goue- en silwer-doel, maar sedert 2010 word daar eenvoudig twee keer 15 minute ekstra gespeel. As daar dan steeds nie 'n wenner is nie, word strafskoppe gebruik om 'n uitslag te verkry.

Rugby

Ekstra tyd word nie in rugby toegepas nie, maar beseringstyd van enkele minute (gewoonlik 5 ekstra minute per wedstryd) word soms toegelaat.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.