Eksotermies

In termodinamika, word die term eksotermies beskryf as 'n proses of reaksie wat energie vrystel, gewoonlik in die vorm van hitte, maar ook in die vorm van lig (bv 'n vonk, 'n vlam, of flits), elektrisiteit (bv 'n battery), of klank (soos byvoorbeeld die ontploffing gehoor wanneer waterstof brand). Aan die einde van 'n eksotermiese reaksie is die produkte gewoonlik warmer as aan die begin, behalwe as die gegenereerde hitte verwyder word. Eksotermies is die teenoorgestelde van endotermies. Die woord vind sy oorsprong in die Griekse woorde exo, ("buite") en thermasi, (verhit).[1]

'n Ontploffing is 'n gewelddadige eksotermiese reaksie.

Voorbeelde van eksotermiese reaksies
  • Seker die bekendste eksotermiese reaksie is die verbrandingsreaksie: C + O2 → CO2 + energie. Tydens hierdie reaksie verbrand enige bron van koolstof met suurstof om CO2 te vorm, maar ook hitte.
  • Kondensasie: Wanneer iets verdamp (soos alkohol op jou vel - kyk endotermies) word energie opgeneem, maar wanneer iets kondenseer, stel dit hitte vry. Dus, om water uit die oseaan te verdamp het jy energie in vorm van die son nodig, maar wanneer die waterdamp weer kondenseer, gebeur die teenoorgestelde en stel dit daardie hitte wat nodig was om te verdamp, weer vry.
  • Wanneer sement of hars hard word, stel dit hitte vry.[2]

Kyk ook

Voetnotas en verwysings
  1. Perrot, Pierre (1998). A to Z of Thermodynamics. Oxford University Press. ISBN 0-19-856552-6.
  2. Omdat sement relatief lank neem om te set, sal 'n mens nie altyd die verhoging in temperatuur opmerk nie, maar as jy 'n blik hars (wat gebruik word wanneer jy met veselglas werk) neem en die aktiveerder daarin gooi en goed roer, gaan jy na 'n ruk 'n duidelike verhoging in temperatuur waarneem.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.