Eirik Glambek Bøe
Eirik Glambek Bøe (* 25 Oktober 1975) is 'n musikant, musiek- en liriekskrywer, en sanger vanuit Bergen, Noorweë wat die bekendste is vir sy deel in die popduo Kings of Convenience saam met Erlend Øye. Alhoewel sy moedertaal Noors is, is vele van sy werke Engelstalig.
Eirik Glambek Bøe | |
|---|---|
 | |
| Agtergrondinligting | |
| Gebore | 25 Oktober 1975 Bergen (Noorweë) |
| Genres | Electronic, indie rock, instrumental |
| Beroep(e) | musikant, musiek- en liriekskrywer, sanger |
| Instrumente | stem, kitaar, baskitaar |
| Jare aktief | 1997 - hede |
| Etikette | Astralwerks, !K7 |
| Assosiasies | Kings of Convenience, The Whitest Boy Alive |
Bøe het saam met Øye die musiekgroep Skog in die 1990's gestig. Die twee het Kings of Convenience in 1998 gestig en die selfgetitelde debuutalbum is in 2000 uitgereik. Die daaropvolgende album het Quiet is the New Loud geheet en is in Januarie 2001 vrygestel. Øye het in elektroniese musiek geïnteresseerd geraak, wat daartoe gelei het dat 'n remixalbum, Versus, deur Kings of Convenience in Oktober 2001 vrygestel is. Die enkelsnit "Toxic Girl" het tot die uitbreiding van Bøe se aanhangersbasis gelei vanweë die snit se beskeie enkelvoudigheid en liriese gehalte. In 2004 het Kings of Convenience Riot on an Empty Street vrygestel, waarop 'n Europese en Noord-Amerikaanse musiektoer in 2005 gevolg het.
Bøe het in 2006 Øye se groep The Whitest Boy Alive by sommige optredes tydens daardie groep se Skandinawiese musiektoer met sy nuwe groep Kommode ondersteun. Laasgenoemde groep is tans in die ateljee. Kommode bevat die lede van Skog, Øye uitgesluit.
Eirik sing as gaskunstenaar op die snit "How My Heart Behaves" op Feist se album, The Reminder (2007).
Persoonlike lewe
Bøe het sielkunde aan die Universiteit van Bergen studeer. Sy meisie is Ina Grung, 'n model wat ook op van Kings of Convenience se albumomslae pryk. Hy het een kind by haar.
