Ebi

Ebrahim Hamedi (Persies: ابراهیم حامدی‎‎; * 19 Junie 1949 in Teheran, Iran), beter bekend onder sy verhoognaam Ebi (ابی), is een van die bekendste en invloedrykste Irannese sangers en musikante van sy tyd. Danksy sy ekspressiewe stem word hy as een van die beste sangers van sy generasie beskou.

Ebi
Ebi in Montreal
Agtergrondinligting
Geboortenaam	Ebrahim Hamedi
Gebore	19 Junie 1949 (1949-06-19) Teheran, Iran
Genres	Klassieke en popmusiek
Beroep(e)	Sanger
Instrumente	Stem
Jare aktief	1967 tot hede
Etikette	Taraneh Records Apolon Records Caltex Records Pars Video Avang Records
Assosiasies	Kamran Hooman Shahram Shabpareh Fereydoun Farrokhzad BlackCats Shadmehr Aghili
Webwerf	ebihamedi.com

Ebi bly sedert die Irannese Rewolusie in 1979 in Marbella, Spanje en Los Angeles en gaan dikwels op wêreldtoere. In sy repertoire verbind hy invloede van tradisionele Persiese musiek met westerse pop en soms ook Latino-ritmes.

As balling neem Ebi standpunt in teen die huidige Irannese bewind. Een van sy liedjies, Tasmim, behandel die omstrede presidensiële verkiesing in 2009. Met sy nasionalistiese liedjie Persian Gulf kies hy die kant van Iran in die Persiese Golf-naamstryd.