Drenthe

Drenthe (Nedersaksies: Drenthe of Drentie) is een van die 12 provinsies van Nederland en is in die noordooste geleë. Die provinsie het 'n bevolking van sowat 502 000 in 2023 gehad en beslaan 'n totale oppervlakte van 2 680 km² met 'n bevolkingsdigtheid van 191 inwoners per km² land. Die hoofstad is Assen en die grootste stad is Emmen.

Drenthe
Provinsie
Vlag Wapen
Ligging van die provinsie Drenthe in Nederland
Kaart van die provinsie Drenthe
Koördinate: 52°55′N 6°35′O
Land	Nederland
Hoofstad	Assen
Grootste stad	Emmen
Regering
• Kommissaris	Jetta Klijnsma (PvdA)
Oppervlak [1]
• Totaal	2 680 km2 (1 030 vk. myl)
• Land	2 633 km2 (1 017 vk. myl)
• Water	48 km2 (19 vk. myl)
Bevolking [1]
• Totaal	502 051
• Digtheid	191/km2 (490/vk. myl)
	1 Januarie 2023
Tydsone	UTC+01:00 (MET)
• Somertyd	UTC+02:00 (MEST)
Webwerf	www.provincie.drenthe.nl

Hunebed naby Odoorn

Drenthe grens in die suide aan Overijssel, in die weste aan Friesland, in die noorde aan Groningen, en in die ooste aan Nedersakse (Duitsland).

In die provinsie word naas Nederlands ook Drents gepraat, 'n dialek van die Nedersaksiese taal.

Drenthe het baie bosse, heide- en veengebiede. Byna al die hunebedde lê in die provinsie. Van die noorde tot die suidooste loop die Hondsrug, 'n glooiing in die landskap; die hoogste punt word gevind by die stad Emmen en meet 26,5 meter.

Op 29 Junie 1904 is twee veenlyke, nou bekend as die Paar van Weerdinge, hiernaby gevind.