Dopluis

Dopluise is klein insekte van die orde Hemiptera. Daar is sowat 8 000 spesies.

Dopluis
Tydperk: Kryt–tans
145–0 m. jaar gelede
’n Dopluiswyfie met jong kruipers.
Wetenskaplike klassifikasie
Koninkryk:
Animalia
Filum:
Arthropoda
Klas:
Insecta
Orde:
Hemiptera
Suborde:
Sternorrhyncha
Superfamilie:
Coccoidea

Handlirsch, 1903
’n Dopluismannetjie met vlerke.

Eienskappe

Die insekte se voorkoms wissel baie – van uiters klein organismes (wat 1 tot 2 mm lank is) tot blink, pêrelagtige voorwerpe (sowat 5 mm lank). Volwasse wyfies is gewoonlik permanent aan die plant geheg. Hulle skei ’n wasagtige stof af vir verdediging. Mannetjies het gewoonlik vlerke, na gelang van die spesie, maar eet nooit; hulle gaan binne ’n dag of twee dood. Hul enigste doel is om die wyfies te bevrug.

Die meeste insekte is parasiete op plante en drink sap wat uit die plant gesuig word. Hulle kom op ’n groot verskeidenheid plante voor en sommige is in ’n simbiotiese verhouding met miere.[1]

Baie dopluise is ’n plantplaag. Die waslaag wat hulle vorm, beskerm hulle teen insekdoders, wat net doeltreffend is in die eerste nimfstadium wanneer hulle as "kruipers" bekend is.

Verwysings
  1. Itino, Takao; Murase, Kaori; Sato, Yumiko; Inamori, Keita; Itioka, Takao; Quek, Swee-Peck; Ueda, Shouhei (2008). "An ancient tripartite symbiosis of plants, ants and scale insects". Proceedings of the Royal Society B: Biological Sciences. 275 (1649): 2319–26. doi:10.1098/rspb.2008.0573. JSTOR 25249807. PMC 2603224. PMID 18611850.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.