Doodshoofmot

Die doodshoofmot. doodkop(valk)mot of motby (Acherontia atropos L.) is 'n mot wat in Suid-Afrika voorkom.[1]

Doodshoofmot
Wetenskaplike klassifikasie edit
Domein: Eukaryota
Koninkryk: Animalia
Filum: Arthropoda
Klas: Insecta
Orde: Lepidoptera
Familie: Sphingidae
Genus: Acherontia
Spesie:
A. atropos
Binomiale naam
Acherontia atropos
Linnaeus 1758
Verspreidings-kaart
Sinonieme
  • Sphinx atropos L.
  • Atropos solani Oken 1815
  • Acherontia sculda Kirby 1877
  • Acherontia solani Oken 1815

Dis 'n baie groot indrukwekkende pylstert met 'n opvallende teken op sy toraks wat soos 'n skedel lyk. Die mot kom in Europa, Asië en Afrika voor en sy skedelagtige merk word in baie kulture as 'n slegte teken beskou. Die wetenskaplike naam verwys na die rivier Acheron wat in die Griekse mitologie die grens van die ryk van die dood is en na Atropos, een van die drie skikgodinne wat die lewensdraad gesny het. Hierdie simbool van die dood word ook in 'n rolprent soos The Silence of the Lambs gebruik.[2]

Die mot het die vermoë om piepklanke te maak deur lug in sy maag te trek en dit weer soos 'n buikspreker uit te stoot. Die piepgeluide klink soos die alarm van heuningbye se koningin wat aan die werkers die teken gee om te 'vries'. Die mot gebruik dit om vryelik die byenes se heuning te steel. [3]

Die doodshoofmot se ruspe eet veral plante uit die nagskadu- of aartappelfamilie soos aartappelplante. Die volwasse motte is migrerend en kan snelhede van 50 km/h bereik.[4]

Sien ook

Verwysings
  1. "Insekte en skoenlappers" (PDF). Besoek op 30 Junie 2023.
  2. "Is die doodkopvalkmot giftig?". Besoek op 2 Julie 2023.
  3. Erik Holm (2017). Insektopedie – Die geheime wêreld van Suider-Afrikaanse insekte. Penguin Random House South Africa. ISBN 9781775842255.
  4. "Dooie kop vlinder". 2019. Besoek op 2 Julie 2023.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.