Donald II

Domnall mac Causantín (Skots-Gaelies: Dòmhnall mac Chòiseim; omstreeks 860-900), bekend as Donald II, was in die laat 9de eeu koning van Alba. Hy was die seun van Konstantyn I en het die bynaam Dásachtach, "die Waansinnige ", gehad.[1]

Donald II
Koning van Alba
’n 18de-eeuse voorstelling van Donald II.
Dinastie Huis van Alpin
Bewind 889-900
Volle naam Domnall mac Causantín
Gebore Omstreeks 860
Gesterf 900
Iona
Voorganger Giric
Opvolger Konstantyn II
Kinders Malcolm I
Vader Konstantyn I

Lewe

Donald het die troon bestyg ná die dood of afsetting van Giric; die datum is nie heeltemal seker nie, maar dit was omstreeks 889. Volgens die Kronieke van die Koning van Alba was hy 11 jaar lank koning, van 889 tot 900. Die Nordiërs het Piktland in dié tyd verwoes. Tydens sy bewind het ’n veldslag plaasgevind tussen Dene en Skotte by Innisibsolian, wat die Skotte gewen het. Donald is by Opidum Fother (die moderne Dunnottar) gedood.[2]

Sommige glo hy is deur Gaele vermoor, eerder as Nordiërs, terwyl ander berig hy is by Forres dood.[3] Hy is op die eiland Iona, Binne-Hebride, begrawe.

Die Kronieke van die Konings van Alba plaas Donald net voor sy neef Konstantyn II. Sy seun, Malcolm, het later die troon bestyg as Malcolm I.

Sien ook

Verwysings
  1. ESSH, p. 358; Kelly, Early Irish Law, pp. 92–93 & 308: "The dásachtach is the person with manic symptoms who is liable to behave in a violent and destructive manner." The dásachtach is not responsible for his actions. The same word is used of enraged cattle.
  2. ESSH, pp. 395–397.
  3. ESSH, pp. 395–398.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.