Doelbal

Doelbal (Engels: goalball) is 'n balsport vir persone met 'n visuele gestremdheid. Die sport is in 1946 deur die Oostenryker Hans Lorenzen en die Duitser Sepp Reindle ontwerp om veterane uit die Tweede Wêreldoorlog met 'n visuele gestremdheid te help rehabiliteer.

Piktogram wat Doelbal aandui
Die Sweedse doelbalspan tydens die Paralimpiese Somerspele 2004 in Athene
'n Doelbalveld is 18 m lank en 9 m breed. Die doelgebied is oor die hele breedte van die veld geleë

Doelbalspelers dra 'n toegeplakte skibril, wat dit vir atlete sonder 'n visuele gestremdheid ook moontlik maak om aan die sport deel te neem.

Doelbal word in twee helftes van 10 minute elk gespeel op 'n veld van 18 by 9 meter groot. Elk van die twee spanne het 'n maksimum van ses spelers, waarvan drie in die veld staan. Elke span speel op hulle eie helfte van die veld. Deur 'n onderhandse gooi word die rinkelbal, 'n 1,25 kg swaar bal met 'n klokkie daarin, na die doel van die ander span gegooi. Die doel strek oor die volledige breedte van die veld. Die spelers van die ander span moet slegs op gehoor bepaal waar die bal is en probeer om die bal uit hulle doelgebied te hou.

Beide helftes van die veld is verdeel in drie gebiede van drie meter elk. Hierdie gebiede van buite na binne is: die spangebied, die gooigebied en die neutrale gebied.

Oortredings

Na 'n oortreding word die bal oor die algemeen aan die teenstanders oorhandig. Die oortredings is:

  1. die bal gooi voordat dit toegestaan is
  2. die speler geen liggaamsdeel in die spangebied het as die bal gespeel word nie
  3. die bal van buite die speelveld na 'n ander spanlid aangee
  4. die bal via verdediger of doellat oor die middellyn na die gooiende span terugspring

Strafgooie

Tydens 'n strafgooi moet een van die opposisie se spelers die doel verdedig. Strafgooie word toegeken wanneer:

  1. die bal nie tot by die spangebied van die teenstanders kom nie (kort bal)
  2. die bal nie die grond raak in die eie span- of gooigebied nie (hoë bal)
  3. die bal nie een van die twee neutrale gebied raak nie (lang bal)
  4. die oogbedekking aangeraak word
  5. dieselfde speler die bal drie keer agtermekaar gooi (derde gooi)
  6. die span nie binne 10 sekondes die bal teruggespeel nie (tien sekondes reël)
  7. 'n speler nie met ten minste een liggaamsdeel die spangebied raak tydens die eerste verdedigende kontak nie
  8. 'n speler homself onsportief gedra
  9. 'n lawaai gemaak word
  10. spelers tydens die spel afgerig word
  11. die spel vertraag word

Eksterne skakels
Paralimpiese sporte

Somersporte: 5-per-kant sokker · Bankdruk · Boccia · Doelbal · Handfiets · Paralimpiese atletiek · Paralimpiese boogskiet · Paralimpiese driekamp · Paralimpiese judo · Paralimpiese kanovaart · Paralimpiese roei · Paralimpiese ruitersport · Paralimpiese seilvaart · Paralimpiese skyfskiet · Paralimpiese swem · Paralimpiese tafeltennis · Rolstoelbasketbal · Rolstoelrugby · Rolstoelskerm · Rolstoeltennis · Sitvlugbal

Wintersporte: Bobslee · Heg-en-steg-ski · Paralimpiese alpeski · Paralimpiese tweekamp · Rolstolysbal · Sleehokkie · Sneeuplankry

Voormalige sporte: 7-per-kant sokker · Basketbal ID · Dartchery · Paralimpiese stoei · Prikslee · Rolbal · Rolstoelresies · Snooker

Demonstrasiesporte: Racquetbal

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.