Die Spaanse vlieg
Die Spaanse Vlieg is ’n Afrikaanse rolprent wat in 1978 deur Kavalier Films uitgereik is. Dirk de Villiers was die regisseur en Pieter-Dirk Uys die draaiboekskrywer.
| Die Spaanse Vlieg | |
|---|---|
| Regisseur | Dirk de Villiers |
| Produksieleier | Ben Vlok |
| Draaiboek | Pieter-Dirk Uys (draaiboek) Franz Arnold en Ernst Bach (toneelstuk) |
| Met | Marié du Toit, Louw Verwey, Schalk Theron e.a. |
| Kinematografie | Gerry Lotter |
| Redigeerder | Ivan Hall |
| Ateljee | Kavalier Films |
| Uitgereik | 1978 |
| Speeltyd | 81 min. |
| Land | Suid-Afrika |
| Taal | Afrikaans |
| IMDb-profiel | |
Genre
Die rolprent is ’n komedie. Dit het geen ouderdomsperk nie en is goeie gesinsvermaak.
Akteurs
Van die akteurs is Marie du Toit (Emma van Rooyen), Louw Verwey (Dr. Lourens van Rooyen), Schalk Theron (Alwyn), Limpie Basson (Eddie Boersma), Rina Nienaber (Willie Boersma), Johann van Heerden (Pierre Durandt), Marthinus Basson (Hendrik van der Walt), Karin Kritzinger (Paula van Rooyen), Lida Botha (Corrie), Johan Botha (man met die verkyker), Anna Cloete (Ouma Boersma), Christine Basson (Matilda van der Walt), Dawie Malan (De Wet).
Storielyn
Twintig jaar tevore het ’n Spaanse danseres in Hermanus opgetree en ’n ruk daarna ’n seun gehad wie se pa enigeen van drie gerespekteerde lede van die gemeenskap kan wees. Twee dekades later is sy terug en eis geld van al drie mans. Een van hulle, Lourens van Rooyen, is getroud met die verhaal se sentrale karakter, die gevreesde Emma van Rooyen, voorsitter van die Komitee vir Morele Aksie. Intussen het ’n familielid van Emma ’n verhouding met die einste seun.