Deva

Deva of dewa (Sanskrit: देव, deva, [devə]) is 'n Indiese begrip wat verwys na gode en hemelwesens. Devas verkeer op 'n hoër vlak as die mens en kan na gode, halfgode, engele asook bonatuurlike wesens verwys. As hemelwesens staan hulle nie buite die hergeboortekringloop (samsara) nie, maar is wel daarin geïntegreer. Hulle speel veral in Hindoeïsme en Djainisme 'n belangrike rol. In Boeddhisme word met devas hemelwesens of gode bedoel wat in die ses bestaansbereike in 'n geluksalige toestand heers, maar wat soos die mens onderworpe is aan die kringloop van hergeboorte, veroudering en afsterwe.[1]

Bas-reliëf van 'n deva in Angkor Wat, Kambodja

Hoewel deva dikwels met god vertaal word, moet mens daarop let dat dit nie vir die hoogste godhede (byvoorbeeld Ishvara of Narajana) gebruik word nie. Boeddhistiese devas is ook nie almagtig, alomteenwoordig of onsterflik nie.

Die vroulike vorm is devi of dewi.

Verwysings
  1. Njantiloka. Buddhistisches Wörterbuch; bladsy 60, "Deva"

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.