Depressie (gemoedstoestand)

Depressie is ’n lae gemoedstoestand en afkeer van aktiwiteit wat ’n mens se gedagtes, gedrag gevoelens en welsyn kan aantas.[1] Depressiewe mense kan hartseer, angstig, hopeloos, bekommerd, hulpeloos, waardeloos, skuldig, geïrriteerd of rusteloos voel. Hulle kan belangstelling verloor in bedrywighede wat hulle voorheen geniet het, hul aptyt verloor, hulle ooreet of selfdood oorweeg. Slapeloosheid, te veel slaap, moegheid, min energie, pyne en verteringsprobleme kan ook voorkom.[2]

Melencolia I (Albrecht Dürer, omstreeks 1514).

Depressie is nie altyd ’n geestesteuring nie; dit is soms ’n normale reaksie op sekere gebeure of ’n mediese toestand wees, of ’n newe-effek van dwelmmiddels of mediese behandeling. Dit word egter ook verbind aan geestesteurings soos kliniese depressie.


Depressie-meting

Metings van depressie as 'n emosionele versteuring sluit in, maar is nie beperk nie tot: Beck Depression Inventory-11 en die 9-item depressieskaal in die Pasiëntgesondheidsvraelys, die “Patient Health Questionnaire’ (PHQ-9). Albei hierdie skale is sielkundige toetse wat persoonlike vrae aan die deelnemer vra, en word meestal gebruik om die erns van depressie te meet. Die Beck Depression Inventory (BDI) is 'n selfverslagskaal wat 'n terapeut help om die patrone van depressiesimptome te identifiseer en herstel te monitor. Die terugvoer op hierdie skaal kan in terapie bespreek word om behandeling vir die mees ontstellende simptome van depressie te bepaal. Hierdie skale is in verskeie studies gebruik om ook te bepaal wie gesonde individue is wat nie aan depressie as 'n geestesversteuring ly nie, maar as 'n “af en toe“-gemoedsversteuring. In terme van die skaal word deelnemers wat onderskeidelik tussen 0–13 en 0–4 behaal het, as gesonde individue beskou.

Nog 'n maatstaf van depressiewe gemoed is die IWP “Multi-affect Indicator”. Dit is ’n sielkundige toets wat verskeie emosies, soos entoesiasme en depressie, aandui en vra na die graad van die emosies wat die deelnemers die afgelope week gevoel het.

Verwysings
  1. Salmans, Sandra (1997). Depression: Questions You Have – Answers You Need. People's Medical Society. ISBN 978-1-882606-14-6.
  2. "NIMH • Depression". National Institute of Mental Health (in Engels). Geargiveer vanaf die oorspronklike op 11 Junie 2013. Besoek op 15 Oktober 2012.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.