Dene

Die Dene (Deens: danskere) is 'n Germaanse nasie en etniese groep inheems aan Denemarke wat 'n gemeenskaplike Deense afkoms, kultuur en geskiedenis deel, en Deens as moedertaal praat. Alternatiewelik is Dene diegene wat in Denemarke woon of in Denemarke gebore is. Omdat die Faroëreilande en Groenland tot die Koninkryk van Denemarke behoort, is ook Faroërs en Groenlanders (Groenlandse Inuïete) Deense staatsburgers.

Hierdie artikel handel oor die etniese groep. Vir die taal, sien Deens.

Dene
Totale bevolking:	ca. 5,6 miljoen[1]
Belangrike bevolkings  in:	Denemarke ~5 miljoen[2]  Verenigde State ~1,3 miljoen[3]  Kanada 200 035[4]  Brasilië 140 000  Noorweë 52 510[5]  Australië 50 413[6]  Duitsland 50 000[7]  Swede 42 602[8]  Verenigde Koninkryk 18 493[9]  Argentinië 13 000[10]  Spanje 8 944[11]  Frankryk 7 000[12]  Groenland 6 348[13]  Switserland 4 251[14]  Nieu-Seeland 3 507[15]  Faroëreilande 2 956  Ysland 2 802[16]  Oostenryk 1 281[17]  Ierland 809[18]  Japan 500[19]  Libanon 400[20]
Taal:	Deens
Geloofsoortuiging:	Hoofsaaklik Lutheranisme
Verwante etniese groepe:	Ander Germaanse volke soos Faroërs, Noorweërs, Swede en Yslanders

Die legendariese Holger Danske word beskou as nasionale personifikasie van Denemarke en die Dene

Dene vorm die titulêre nasie van Denemarke, waar hulle byna 90% van dié land se bevolking uitmaak en nog klein erkende minderhede soos Duitsers leef. Behalwe vir Denemarke kom Deense minderhede ook in Europese lande soos Duitsland (Sleeswyk-Holstein), Noorweë en Swede voor. In Duitsland is die Dene 'n erkende minderheid soos Friese, Roma en Sorbe en omvat sowat 50 000 mense, veral in Suid-Sleeswyk.

Wêreldwyd leef sowat 5,6 miljoen Dene, waarvan omtrent 5 miljoen in Denemarke en 1,3 miljoen in die Verenigde State. Daarbenewens het Dene hul ook in lande soos Australië (50 413), Brasilië (140 000) en Kanada (200 035) gevestig.