Dendriet

Dendriete (van die Griekse δένδρον déndron, "boom") is die vertakkings van ’n neuron waarvan die funksie is om elektrochemiese seine wat van ander neurone ontvang word, aan te stuur na die selliggaam van die neuron waaruit die dentriet vertak. Elektriese seine word by sinapse oorgedra; dié kom op verskeie plekke aan die dendrietboom voor. Dendriete speel ’n kritieke rol in die integrering van hierdie sinaptiese insette en die bepaling van die mate waarin aksiepotensiale deur die neuron vervaardig word.[1]

Struktuur van ’n tipiese neuron

Dendriet
Dendriet Selliggaam Akson Kern Insnoe- ring van Ranvier Akson- eindpunt Schwannsel Miëlienskede

Struktuur van ’n tipiese chemiese sinaps

Dendriet
Postsinaptiese digtheid Spannings- beheerde Ca++ kanaal Sinaptiese blasie Senuoordraer- vervoerder Reseptor Senuoordraer Akson- terminaal Sinaptiese spleet Dendriet

Dendrietvertakking is ’n fisiologiese proses waarvolgens neurone nuwe dendrietbome en -takke vorm om nuwe sinapse te skep.[1] Die digtheid en groepering van die dendriete hang van die funksie van die spesifieke neuron af. Die verkeerde werking daarvan speel ’n groot rol in disfunksies in die senuweestelsel.[2]