Demeter
Demeter (Grieks: Δημήτηρ) was in die Griekse mitologie die godin van graan en vrugbaarheid, die rein voeder van die jeug en die groen aarde, en die bewaarder van die huwelik en die heilige wette. In die Homeriese lofsang aan Demeter (omstreeks 7de eeu v.C.) word sy die "bringer van seisoene" genoem, ’n aanduiding dat sy aanbid is lank voor sy een van die twaalf Olimpiese gode geword het.
| Demeter | |
|---|---|
| Griekse Olimpiese godin | |
 Demeter, ’n Romeinse kopie van die oorspronklike werk (Vatikaan-museum). | |
| Naam | Demeter |
| Godin van | Landbou en koring |
| Blyplek | Die berg Olimpus |
| Simbool | Fakkel, koringaar, papawer |
| Ouers | Kronos en Rea |
| Broers, susters | Poseidon, Hades, Hestia, Hera, Zeus |
| Kinders | Persefone, Zagreus, Despoina, Arion, Plutos, Filomelos |
| Romeinse eweknie | Ceres |
Sy word dikwels uitgebeeld in ’n strydwa en saam met simbole van die oes, onder andere blomme, graan en vrugte. Sy word ook soms saam met haar dogter Persefone uitgebeeld.
Haar eweknie in die Romeinse mitologie is Ceres.
Demeter en Poseidon
.jpg.webp)
Demeter en Poseidon se name word van vroeg af reeds verbind. In een mite maak Poseidon haar die hof, maar sy probeer vlug. Sy verander haar in ’n merrie en kruip tussen ’n trop perde weg. Poseidon besef egter wat gebeur het, verander hom in ’n hings en verkrag haar.
Hul kinders was ’n dogter ("Die meesteres", wie se naam, Despoina, nie genoem mag word nie) en ’n perd (Arion, wat soos ’n mens kon praat}.
Demeter en Persefone
Die sentrale tema van Demeter in mites is haar verhouding met haar dogter Persefone by Zeus. Hades (die god van die onderwêreld) ontvoer Persefone terwyl sy saam met haar ma blomme pluk en neem haar as vrou. Demeter mis haar baie en vervloek die land, wat ’n groot droogte tot gevolg het. Daarna pleit sy by Zeus om haar dogter terug te bring.
Zeus stuur Hermes om dit te doen, maar Hades gee vir Persefone ses granaatsade om te eet en daarom moet sy ses maande van die jaar in die land van die afgestorwenes bly. Die ander ses maande kan sy op Olimpus woon saam met haar familie. Terwyl sy in die onderwêreld is, mag sy niks anders eet nie, anders sal sy dit nie weer kan verlaat nie. Vir die ses maande van haar afwesigheid, terwyl Demeter treur, keer die droogte (herfs en winter) terug.
Kinders
Sien ook
Verwysings
- Hierdie artikel is merendeels vertaal vanaf die Engelse Wikipedia-artikel en:Demeter
- Burkert, Walter, Greek Religion, Harvard University Press, 1985.
- Nilsson, Martin P., Greek Popular Religion, 1940.
- Ruck, Carl A.P., en Staples, Danny, The World of Classical Myth, 1994.
