Deep South

Die term Deep South (of Amerikaanse Diep Suide) verwys as beskrywende kategorie na die suidoostelike kulturele en geografiese substreek van die Suidelike Verenigde State. In 'n historiese konteks word dit gebruik om na dié Suidstate te verwys wat in die tydperk voor die Amerikaanse Burgeroorlog sterk afhanklik was van 'n plantasiestelsel-landbousektor en slawerny en sodoende verskil het van die Upper South.

Deelstate, wat op die kaart in donkerrooi aangedui word, vorm tans die Amerikaanse Diep Suide of Deep South. Aangrensende gebiede in Oos-Texas en Noord-Florida word ook algemeen by dié substreek van die Amerikaanse Suidstate gereken. Histories het dié sewe deelstate die oorspronklike Gekonfedereerde State van Amerika gevorm

Na die Diep Suide is algemeen ook verwys as die Lower South (Laer Suide) of die Cotton States (die Katoenstate).[1] Voor die grootskaalse binnelandse migrasie na die noordelike deelstate in die eerste helfte van die 20ste eeu het Afro-Amerikaners die demografiese meerderheid in 'n groot aantal gebiede en sommige deelstate gevorm. Tans verwys die term Deep South gewoonlik na dié deelstate waar bepaalde kulturele elemente, wat algemeen met die Amerikaanse Suidstate verbind word, in 'n gekonsentreerde vorm aangetref word.[2]

Amptelike toerismebemarkers sluit die deelstate Alabama, Kentucky, Louisiana, Mississippi en Tennessee by hul definisie van Deep South USA in.[3]

Verwysings
  1. William Freehling: The Regeneration of American History. New York: Oxford University Press 1994, bl. 10
  2. John Reed en Dale Volberg Reed: 1001 Things Everyone Should Know About the South. Doubleday 1996
  3. Deep South USA. Besoek op 30 Junie 2020
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.